为孩子亲制生日蛋糕　以食物培育孩子　陈美龄对食饭有一个要求……

70年代，凭借可爱外表与甜美歌声，陈美龄是位红遍香港、日本、东南亚的歌手。90年代，诞下长子后，她远赴美国念书，并于史丹福大学取得教育学博士学位。今天的她身兼作家、大学教授，而在大多人眼中，更是一位教子有方，谈吐优雅的母亲。
笔耕多年，今年她推出两本新作。其中一本是她首部围绕食品教育的著作。“食嘢系人最基本嘅欲望，‘食’字由‘人’字及‘良’字组成，我哋食嘢系为咗成为一个更良好嘅人。而喺我教仔嘅过程中，饮食系一个非常重要嘅支柱。”
摄影：龚嘉盛、部分相片由受访者提供

不让孩子独自进食

陈美龄今年推出新作《令孩子身心健康的23个饮食教育法》，分享不同年龄的孩子的饮食需知、简易食谱，以及如何透过食物与孩子沟通。“喺我其他育儿书中，我发现自己唔系用好多篇幅嚟讲饮食。小朋友如果唔健康，又点教得佢叻？而健康其中一个好重要嘅条件，就系饮食。我哋应该点样食嘢、食乜嘢、同咩人食嘢，都系非常之高嘅学问。”

她认为，家长应让孩子从小学懂欣赏食物、明白与食物的关系。而她照顾孩子其中一条黄金法则，是从不让他们独自进食。“父母同小朋友一齐食饭系非常之重要，有几个好处。例如可以睇到佢哋嘅状态，明明好钟意食嘢，但今日食得少，点解呢？平时好钟意讲嘢，点解今日唔出声呢？可以即刻知道佢问题，令小问题不至于变成大问题。”

她补充，孩子与其他人同台食饭，更是一个学习过程。“小朋友一边食嘢会一边观察，我成日都突然问小朋友‘你觉得点？’。除咗想佢参与讨论，亦喺佢无意中训练聆听力、理解能力、思考并拥有自己意见，再发表。人系不断要学习，有咗呢个习惯，对佢日后成长都好有利。”

从下厨中学习

不时与孩子一同用餐，陈美龄自言不算是位厨艺了得的母亲，但喜欢下厨，还会与孩子一起动手煮，就如他的长子自3岁起便开始接触料理。一方面学懂自立，另一方面也是一种数学、策划能力的锻炼。

“煮𩠌就系算术，用几多钱、买几多嘢、几多个人食，预算几多时间煮，可以具体化咁等佢哋感受算术系有用。小朋友学习时，当佢哋觉得有用，系学得特别快！过程亦牵涉策划能力，去边度买、同边个去买、几时去买、点样煮，好多嘢要谂！”

她忆起与三位小孩一同烹饪，大家总有不同意见。“就算同一个食谱，每个人煮出嚟一定有啲唔同，渐渐小朋友就会有好多意见。同时亦给予佢哋创作空间，学懂欣赏别人，明白原来呢个世界系可以有变化，有差别先可以更精彩。”

她坦言，在学习烹饪的过程中，总必经历无数失败。“煮𩠌系要失败几次，先会好味，咁亦教到佢其实失败系唔需要惊。当你成功时，一个人食，你会觉得好乏味㗎㖞，亦意味当你成功，要懂得与人分享，先会有快乐嘅人生，呢啲都系无意中教到嘅人生道理。”

透过食物表达爱

陈美龄分享，在小朋友的成长过程中，有一个坚持，就是每年都会亲手为孩子制作生日蛋糕。“每次问佢哋想食咩蛋糕，系会答‘恐龙蛋糕’、‘老虎蛋糕’、‘热带鱼蛋糕’，每次都好大挑战！前年我生日，大家食完饭闲聊，佢哋三人发誓，如果日后有小朋友，每年都要自制蛋糕俾小朋友。我开心到呢… 真系好安慰！即系表示佢哋觉得呢个系好好嘅回忆，感受到妈咪嘅爱同努力，希望佢哋啲仔女都一样可以咁开心。”

曾修读儿童心理学与教育学，陈美龄分享，其教养之道离不开“爱”。“唔系话要赢在起跑线，所有嘢from start to finish都系爱。我嘅理念系无条件、无限量、随时随地嘅爱，无人会比你更爱你自己嘅仔女。唔系你生咗，就自然会去爱，系要你去凑，先会发挥父性、母性。”

她提到，孩子于0岁至12个月，是与父母建立关系的关键时期。“香港大多父母忙得滞，觉得呢个阶段小朋友都唔识嘢嘅，交俾第二个凑咪得啰，系错㗎！之后有咩事情，佢情愿去揾工人，到咗青春期，就真系会反叛，就算廿几、三十岁，都唔会觉得佢系需要尊敬你，或者值得佢去爱你。你真系爱佢，佢系会听你话、信任你。唔系因为怕你，系唔想你失望、伤心，呢样就系我哋做父母最想做到嘅境界。”

陈美龄新书《为孩子身心健康的23个饮食教育法》的星级作家亲笔签名本，将于7月15日至26日期间预售，详情可登入万里机构网站。

相关文章：【书展2020】贸发局宣布书展延期　书商转战网上推多项购书优惠

书展将延期举行，不过暑假举行的书展一直是不少书商销售的黄金时期，不少参展商举行网上书展，包括一众童书、教材书商。