【复课情绪】勿用“老师闹”等说话　心理学家建议4招安抚孩子

受新冠肺炎（COVID-19）疫情影响，全港学校停课已逾4个月。因应疫情放缓，教育局宣布，幼稚园高班及初小将于下星期一（6月15日）复课。孩子在复课前夕，难免出现不同情绪。家长可如何及早为孩子作心理准备？万一孩子上学时在校门外扭计哭闹，又可如何处理？
注册心理学家程卫强（Victor）指，家长切忌压抑孩子情绪，建议协助孩子抒发，并给予适切安抚。

不宜加重情绪负担

学生停课至今超过4个月，Victor指，学生要重新适应学校生活，难免会感到紧张。“有啲学校系要做网上功课，复课前夕要交功课，或者未做晒，可能会有啲焦虑。加上习惯咗咁耐喺屋企唔使返学，日常生活打到乱晒，到正式返返学，作息时间会唔同。唔够训嘅话，生理上嘅疲倦亦会影响情绪。”

他提醒家长，要注意自己的说话会否不自觉加重了孩子的情绪负担。“例如喺屋企顽皮、唔想做功课嘅时候，家长成日用老师去吓佢。‘返学㗎喇㖞，仲唔做功课，老师闹㗎喇’、‘话俾老师听你唔做功课！’，当日日用老师去吓佢，唔惊就有鬼！”

Victor续指，家长不宜压抑孩子的情绪抒发。“每个人都有情绪，但好多时我哋唔系帮佢处理或者疏导情绪，而系将情绪压抑下去。例如当小朋友话俾你听 ‘好惊呀’，家长会话‘有咩好惊丫’；或者孩子好担心未做晒功课，家长会话‘都叫你一早就做㗎啦’。其实即使系小朋友，对自己嘅要求都可能好高。家长固之然要给予孩子做功课嘅常规，但当出现情绪，就已经唔系再用常规，或者‘努力’呢啲action（行动）去处理。”

按图即睇4招安抚孩子情绪：

2招应对返学扭计

距离复课只余数天，Victor建议，家长可预早给予孩子心理预备。“日常作息要令孩子有足够睡眠，下星期一复课，早少少同佢哋讲‘好开心就嚟见到同学喇，又可以返学校玩’，俾个心理预备佢。”

复课首日，他又建议家长预早出门。“预早嘅时间某程度上系俾家长，当家长都觉得‘唔得喇，迟到喇㖞’，家长都会焦急，有情绪，可能会用一啲比较强硬嘅方法‘夹’咗小朋友入学校先，呢个都唔系好事。”

如果孩子在校门外哭闹，Victor建议家长先安抚孩子情绪。“因为预早咗时间，就可以做以下动作。首先认同佢情绪、想法，话俾佢知呢个系咩情绪。‘我知道你唔开心，唔想返学，你揽吓妈咪啦。’妈咪都可以揽吓佢，俾少少时间去抒发咗先，但都要话返俾佢知，学就一定要返。‘但不如你揽多妈咪一阵，我哋先返学啦。妈咪会煮定啲嘢食，买定啲你钟意食嘅嘢，等你放学。’令佢释放咗情绪，同时亦期待返学放学嘅时间。”