两𩠌饭｜两𩠌饭店搞死香港夜经济掀热讨　网民：宵禁有份做冧夜市

两𩠌饭店有份搞死香港夜晚经济？近来香港旅游焦点正在讨论香港搞夜市，财政司长陈茂波期望可搞活搞旺夜经济。网民议论纷纷，觉得香港难以搞夜市，因为太多规管、租金贵等等，难以媲美台湾或内地的夜市商圈。最近有网民在讨论区立论：两𩠌饭店有份搞死香港夜晚经济。大家看法如何？

有网民在连登讨论区提出论点：“两𩠌饭店有份搞死香港夜晚经济？”原文节录如下：“两𩠌饭呢几年开到成行成市，其实好影响香港靓经济，尤其夜晚呢几年好多市民习惯咗夜晚买两𩠌饭返屋企食，如果无佢地唔出餐厅食，连带商场商店的人流都会受影响。虽然两𩠌饭又抵食份量又多，但其实系顶烂市，顶死晒啲餐厅酒楼。有个组织叫两𩠌饭关注组，佢地觉得香港开得越多两𩠌饭店就越好，其实系搞死香港经济就真，政府如果想搞起夜市，其中一样要嘅，就系要取缔两𩠌饭店。”

帖文一出，不少网民留言，部份人认为冤枉了两𩠌饭：“咁都可以濑落两𩠌饭到，餐厅卖乜从来唔系自己决定，而系客人钟意乜，餐厅就去卖乜。开到成巷成市，咁系因为客人钟意。”

部分人撑两𩠌饭平靓正，因为疫情时有一段时间政府禁堂食促使两𩠌饭盛行，觉得楼主将因果关系掉转。禁堂食令香港夜生活发生根本性变化。

“点解两𩠌饭会兴起？就系三年宵禁做冧个夜市，个个焗住买外卖返归食，连带夜生活都做冧埋。今无夜生活，晚间食肆需求减，市场自然会萎缩，两𩠌饭只系个问题催生出嚟嘅结果，而唔系问题本身，你解决两𩠌饭，并唔代表解决到问题，因为你嘅立论一开始就系错。”
按图有网民留言：

更加有不少人觉得香港餐厅服务水平良莠不齐，客人未食完，餐厅为求提升翻台率，收台速度快，外出吃晚饭的价格普遍偏贵，加快大份夹抵食的两𩠌饭愈趋流行深得民心。

“两𩠌饭不嬲都存在，变到成行成市嘅原因咪经济麻麻，要悭啲洗，两𩠌饭廿几都可以有交易，质素做好啲嘅直头排长龙，一定食得饱，基层实帮衬。唔去餐厅食同两𩠌饭无乜关系，唔通两𩠌饭可以取代西餐 酒楼 大排档 Cafe饮啡食蛋糕 日本寿司？根本就唔同体验…依家无咁好景连餐饭都屋企食，自然唔会出去食糖水，加埋封咗几年啲人习变咗早返屋企。”

“出面啲餐厅收费又贵，服务又差…叫人点帮衬？两𩠌饭又平又好食，点解要人比钱食垃圾？大部份餐厅系咁赶客走先系真正死症，为左做多几个客，侍应一见你差唔多食完，就系咁收碟收杯收到你乜都无，系差在末出声叫你快啲埋单走，咪阻住佢做下单生意…既然都买外卖，一般人自然会拣平啲又差唔多质素嘅两𩠌饭啦！啲人唔系唔想出街食，系好多餐厅垃圾得黎又食到成肚气，贴钱买难受。餐厅煮得难食，平极都收60-70蚊，坐得又逼又唔干净，伙记x口x面串xx又加一。x你xx又唔系食放题自助餐都限x你时间，坐耐少少都想赶你走咁。物竞天择，斗唔鸁就要死架啦，家阵大店输小店，都无野好讲。”
香港两𩠌饭店门庭若市，连外国旅客也认识香港的两𩠌饭“this this rice”。如今香港夜生活萧条，综观社会或网民意见众说纷纭，因素众多，大家觉得香港夜生活与夜经济不景气的最大原因是什么呢？