SEN学生走进社区教拉筋 老师：不求完美动作，只想他们发挥所能
撰文： 廖淑华 梁御东
出版：更新：
最近北角出现咗一班名为“伸展特工队”嘅大小朋友，四围邀请街坊舒展筋骨，佢哋系来自保良局余李慕芬纪念学校嘅师生。学校体育老师Roy同佢嘅团队发现自闭症学生喺青春期嘅时候，身体柔软度会下降，长远会影响佢哋生活同自理能力。经一番研究成立嘅“伸展特工队”，培养学生做伸展运动嘅习惯，队员亦会定期邀请同学齐齐拉筋。“特工队”喺校内热身过后，近日走入北角社区，除咗传播拉筋同伸展运动，仲令街坊认识佢哋多一尐，促进特殊学校学生与社区嘅接触同沟通。
特殊学校学生嘅质素未必如一般人一样，最重要系去揾学生能够做到乜嘢，多于去揾佢哋做唔到乜嘢。