【爆职人】缺乏合约和工伤保障 幕后制作人员倡成立工会

幕后制作人员，往往系每场成功表演背后嘅功臣，之但系佢哋嘅辛酸，我哋又知几多？
作为音响技术人员嘅Jason，喺呢行打滚咗八年有多。佢眼见行头内各种不公同陋弊，包括缺乏合约、工伤保障；工作不定时影响作息同健康；就连畀人取消工作预约，都只能吞声忍气，冇讨价还价嘅能力。自言做得有啲灰心嘅佢，希望可以为同行争取劳工权益，同时成立一个音响技术人员工会，团结番行头内嘅大家。