橡树资本马克斯投资哲学 竟与佛学“无常”有关|珍姬蜜
今年嘅国际金融领袖投资峰会刚圆满闭幕,财爷陈茂波开幕𠮶阵,就鼓励呢班外国嚟嘅金融领袖除了参与峰会,亦可以多在香港行吓睇吓。小珍估计财爷的如意算盘,系希望呢班金融领袖可以刺激香港旅游业。
小珍趁机都八卦呢班金融领袖最后一日有咩行程,殊不知橡树资本(Oaktree Capital)创办人兼主席、现年77歳马克斯(Howard Marks)十分之勤力,峰会完结后当晚即刻飞去东京继续工作,中午唯一个嘅空档都唔系去叹美食,而系约咗班在香港客户食lunch见面交流吓。
马克斯作为称霸华尔街多年的不良资产投资大师,连股神巴菲特(Warren Buffett)都系佢嘅读者,巴菲特仲话每次见到电邮有马克斯的备忘,会第一时间开启来睇,而且总会学到嘢(When I see memos from Howard Marks to my mail, they're the first thing I open and read. I always learn something)。
未来或出现公司倒闭潮
当日早上马克斯出席喺四季酒店举行嘅金融峰会后,马不蹄停咁过去美利酒店见佢班大客仔。现场所见,橡树资本在香港嘅投资客户虽以亚洲脸孔为望,但当中亦不乏外国投资者。而选单拣咗三道菜西餐,当然主菜系马克斯在午宴嘅宏观经济分享。
马克斯强调,随着多年零息的时代已经过去,金融市场正经历一场巨变(Sea Change)。过往低息甚至零息环境,令市场充满“Easy money”,倾向以高价去买而家回报一般的资产,造成资产价格大幅飙升。
而当利率而家回归正常,马克斯预计未来债务违约的情况会愈来愈多,甚至出现公司倒闭潮。“过去零息时代无人会还钱,每当一笔贷款到期,只要去另一间银行再借钱做refinancing就可以。但而家家银行审慎咗,有机会唔再借钱俾你。”
低息环境投资 如有神助
对于中美关系紧张,马克斯自通道,橡树资本在中国的投资活动从未有“负面经验”,所以唔会暂停投资中国。不过,佢亦强调,投资美国以外的市场时,会着重Margin of safety﹙安全系数﹚,唔会盲目最求“最高”的回报,能得到“几好”的回报已经足够。
实情喺佢嘅投资备忘录亦提到,呢几十年投资者就好似行紧自动行人道(moving walkway)一样,好多所谓嘅“股神”,全因为低息环境先赚大钱。佢仲话,喺呢几十年做金融嘅人都系行大运,包括佢自己咁话。
作为华尔街其中一个最成功嘅投资大师,居然如此谦虚?原来马克斯当年喺Wharton读金融𠮶阵,副修日本研究并因而接触咗佛学。当中“无常”呢个概念对佢影响深远,仲同小珍讲直至而家都仲影响紧佢。“无常令我领悟到,改变系无可避免,亦无法预计,唯一可以做就只有不停适应转变。同时亦令我学识谦卑,唔好因自己聪明就觉得可以控制世上所有事。”