【温多娜手记】汇丰保险Office大翻新 有波笃仲有瑜珈班上
撰文： 文颢宗
出版：更新：
有得畀打工仔“Work Hard Play Hard”嘅Office，又有边个唔恨？但近年各行各业都要讲创意讲新潮，一间有得做有得玩嘅Office，已经唔再系创科公司嘅专利。
汇丰作为唔少香港人嘅老细，近年亦都密密翻新写字楼环境。早前汇丰保险位于大角咀奥运站嘅Office就完成大翻新，唔单止空间够晒阔落，打工仔竟然仲可以喺收工后即场上瑜伽班！
有按摩椅帮员工减减压
根据汇丰保险介绍，新Office设有唔少畀员工Relax嘅设施，包括按摩椅、桌球台同埋休憩角落等，返工做到攰攰哋，都可以即刻“叉个电”先再搏杀过。公司仲会定期大搞课程活动，包括瑜伽班、冥想班及桌上足球比赛等。咁搞法，班员工咪随时放咗工都唔想返屋企？
汇丰保险香港行政总裁文德华就话，希望能够新Office可以帮令员工之间更紧密联系同埋愉快工作，最终可以提升整体生产力，仲话新办公室开张以来，员工嘅自豪感更提升咗22%。
呢位CEO之前曾经自爆自己中意一边听歌一边做嘢，有个咁随和嘅老细，睇怕一班手足返工都够晒Relax！