【港产片万岁】“港式映画”Q版胸像 乌蝇方丈强雄大乱斗
每次翻睇星爷或王家卫的作品时，都会特别感激老豆老母是香港人，因为只有我们香港人，才能完全理解港产片对白的精妙浪漫，或是抵死啜核。在无限翻睇和斗背对白以外，今夏大家还有多一个回味港产片的方法。港产玩具制作商LIGO DESIGN和港产插画师Tik Ka From East（迪嘉）合作，准备推出“港产映画”（HONG KONG HOLLYWOOD）立体胸像玩具系列，第一弹包括乌蝇哥、李先生、强雄和梦遗大师－－大佬呀，唔使我写出自边套电影喇啩？
刻骨铭心初恋金银情侣套餐卖99个9毫9，而每款“港产映画”胸像只售88蚊，比起一众贵价欧美胸像来得亲民。但正所谓越简单嘅嘢越难整，要完美重现乌蝇哥aka张学友说出“吔屎吖你”时面容扭曲，或是强雄aka谢贤说“全部都系我嘅人，点同我打呀”时那种由内到外再到翻内的自信？唔系咁易嘅。但就官方图片所见，Q版化后仍然形神俱备，再加上大家揸紧信念，自行“脑补”这几4位出色男人的神髓，个观感就会fit晒。
乌蝇（张学友饰）／旺角卡门（王家卫导，1988年）
“着西装打呔，攞大哥电话有咩用呀？吓！跟啲咁嘅大佬，吔屎丫你！”
“我乌蝇宁愿做一日英雄，都唔想做一世乌蝇呀﹗”
“无翅你食呀？无鲍鱼你食呀？系无冷气咋嘛﹗咁多嘢讲做咩呀﹗照我话事，你系食斋鲍鱼㗎咋﹗”“食鲍鱼﹗食屎啦你﹗”
李先生（李小龙）／《龙争虎斗》（Robert Clouse导，1973）
“ Don't think. FEEEEEEEEL! It's like a finger pointing away to the moon.Do not concentrate on the finger or you will miss all of the heavenly glory!Never take your eyes off your opponent... even when you're bowing!”
强雄（谢贤）／《少林足球》（周星驰导，2001）
“重有球证、旁证，足协，足总，足委，全部都系我嘅人，点同我斗呀？”
“我系打人呀，你吹呀？我就系要打到你队人好似你个跛佬一样，残废﹗残废﹗残废﹗”
“跳舞都唔轮到你跳啦，系我跳！”
“咩话？40比零？”
梦遗大师（刘以达）／《食神》（周星驰，李力持导，1996）
“少林寺方丈，法号梦遗。阿弥……陀佛，我随风而来，随风而去，喂！我系史提芬周老友㖞！俾下面得啩！喂！唔该吖，唔该吖。”
“咪郁，你呢就俾D有毒嘅攀藤植物拮亲，而家就好在未落到去百会穴啫，唔系呢你就死梗㗎喇。我呢已经同你啜D毒啜得七七八八啦。而家就净番呢度啫，就俾我啜埋先呀唔该。”
“我最憎人系我背后讲我坏话。”
Tik Ka from East（迪嘉）Profile…
擅长以Q版国画风格呈现西方影视角色，2015年的《中式沙锅》把一众星战人物化为国画中人，其后亦把《龙珠》、《复仇者联盟》以至麦当劳叔叔等流行文化icon尽数“中西合壁”。
【港产映画】第一弹全4款，每款约高4吋网上预订：LIGO DESIGN零售贩卖：待定一套4款预订价：HK$352 单款（随机抽选）: HK$88发货日期：2017年10月