【农历新年】鼠年要戒酒、出pool？　10大网民热门愿望首位系佢！

嚟到2020年喇！新嘅一年有新嘅希望，都系时候update吓自己嘅新年愿望list喇！大家仲记唔记得自己喺2019年年头定落嚟嘅愿望有啲乜呢？依家年尾又有冇完成到啊？真系唔系讲笑，唔少人订个目标真系十年都未做到。喂！人生有几多个十年啊？仲拖？好喺2020年完成佢啦！今日就等dailyview同大家讲吓十大香港网民喺2019年定过嘅新年愿望，再睇睇网民点评价自己今年嘅表现啦！

互联网温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。“互联网热度”为主题项目相关的互联网posts和comments ，数值愈大代表主题项目的讨论度愈高。

▼▼按图放大，即看热门新年愿望10-4位▼▼

▼▼▼香港人十大新年愿意Top3！▼▼▼

3、储钱

正所谓钱唔系万能，但系无钱就万万不能。新一年无论有咩计划，唔多唔少都需要金钱支援，旅行、买车买楼、买电话都要钱，所以好多人嘅年度目标都系储够一笔钱，好好咁运用佢嚟到达成其他目标。有网民话，钱可以解决到好多问题，有钱嘅话，生活就可以过得顺遂啲，所以咩目标都好，首先都要储咗钱先。

网民金句：
“今年捐晒 无悔”
“储完买到楼咩？”
“我储咗八千 问爸爸要2百万”

2 、买楼

香港楼价世界上数一数二贵，租屋又贵，上车又难。令到好多香港人每一年都要将“上车”列入终极年度目标入面，用一年时间奋斗，博下来年成功上车，成为有楼一族。网民对于呢件事就抱怨不断，楼价不断被炒高，人工又同楼价差距甚大，再计埋通货膨胀，点追啊？买楼咁重要嘅目标梗系要年年坚持不懈，摆入愿望清单！

网民金句：
“想抽公屋多d”
“居屋都买唔起啦唉”
“我都想住私楼食鸡脾啊”

1、减肥

每年开始嘅其中一个大计非减肥莫属，年头农历新年期间一个个饭局系咁嚟，辛苦完一年当然要食返餐劲奖励吓自己，但系一唔小心就会食太多，咁就要开始解决上一年同新年积落黎嘅脂肪！有网民喺年头立下誓言，要趁夏天之前减磅成功，迎接阳光与海滩；但另一边就有人话，香港呢个美食天堂，要戒口真系难过登天！

网民金句：
“我今年又肥得靓啊喂！”
“今年减唔到？唔惊啦！下年再减”
“我定减肥目标 定左都成十年喇”

分析说明：
本研究资料由《KEYPO大数据关键引擎》提供，分析时间范围为2018年12月24日至2019年12月23日。
互联网大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论‘热门新年愿望’相关文本进行分析，并根据网友就该议题之讨论，作为本分析依据。本文分析之结果，非参考投票、民调、互联网问卷等资料，名次仅代表互联网讨论热度大小，不代表网友正负评价。

延伸阅读：

“芝芝葡萄”IG洗版重灾！果粒茶爆红店员却崩溃：从此怕葡萄…

【本文由“DailyView互联网温度计”授权转载，研究资料由“KEYPO大数据关键引擎”提供。】