【辞职抉择】老细难相处只排第六？ 即睇10个打工仔决定辞职理由
压力爆煲每次都顶唔顺，但又唔知用咩理由辞职好？你会唔会系其中一个想辞职嘅人呢？今日DailyView互联网温度计根据讨论度最高嘅辞职理由，透过互联网大数据做咗个调查，一齐嚟睇下啦！
10. 唔适应
例如身边有朋友就系坐唔惯Office，适应唔到坐定定嘅生活，好快就辞咗职。无论系因为钱、工作内容、公司文化定系觉得呢间公司无办法俾到你想要嘅嘢你，其实好多嘢都系双方嘅，好似拍拖咁，磨合过都觉得唔OK，已经问心无愧，咁揾下一份工其实都未尝唔系件好事啊！
9. 工作量大
当初入职又边个唔系抱住希望，以为去到一个好公司吖！但开咗波先发现“上咗贼船”，一个人嘅人工，做十个人嘅嘢，公平咩？有时候都会问自己“加班加到咁辛苦为乜？”，加班又冇得pay，工作量亦只会越嚟越大，压力随之而增加！唔对路就好走喇！无谓辛苦自己，毕竟人一世物一世，无谓冇咗自己吖嘛！
8. 长期对公司失望
通常公司都又好多制度上嘅问题，成日扮晒嘢问你觉得公司有咩可改善嘅地方，但永远都系“讲就天下无敌，做就有心无力！”得个讲字，你有你讲，佢有佢继续做，反映几多都冇用，讲一套做一套，久而久之员工嘅向心力都磨灭晒，讲多都晒气！公司留唔住人好多时就系因为咁！
7. 想转行
有时候返工都会返到怀疑人生，怀疑自己系咪入错行，有个同事曾经由Marketing转做工程师，最大嘅原因其实就系因为佢挨夜搏命做，但啲客最后都唔收货，但转咗做工程师唔单至人工高啲仲多咗成功感，所以话人生流流长，揾到自己适合嘅工系最重要㗎！
▼▼按图放大，看头六位最多人讲的“辞职理由”▼▼
DV小教室：香港互联网大数据观测咗近万个网站频道（而且不断增加中），包括港澳地区的新闻频道、FB、IG同埋各大讨论区、Blog......透过强大嘅网文爬梳观测，攞到巨大嘅资料样本数，拎到上亿嘅文章及留言讯息，以人工智慧的语意程式做分析。
分析说明：
本研究资料分析时间范围为2018年2月14日至2019年2月13日，共一年。
互联网大数据系统观测港澳地区上万个网站频道，包括新闻频道、Facebook、Instagram、Twitter及各大讨论区、部落格等，针对讨论‘辞职嘅理由 ’相关文本进行分析，并根据网友就该议题之讨论，作为本分析依据。
本文分析之结果，非参考投票、民调、互联网问卷等资料，名次仅代表互联网讨论声量大小，不代表网友正负评价。
延伸阅读：
【本文由“DailyView 互联网温度计”授权转载】