【每逢大事讲故事】那些年　特朗普同克林顿夫妇都好Friend……

呢排唔知大家有无同飞云一样，夜麻麻煲番大台重播嘅神剧《创世纪》？呢种朋友为咗钱反目成仇，争个你死我活嘅桥段，老套又离谱到你边睇邉闹，不过人性嘅嘢，现实中都有人办啦。你睇下美国今届总统大选就知啦，克林顿夫妇同特朗普其实都有friend过㗎。喂，你无听错呀，嗱嗱嗱有图有真相㗎，你睇佢哋笑得几开心？

时光倒流11年，佢哋都曾经开心过，呢张相就系特朗普2005年摆酒娶特朗太（第三任）𠮶日影㗎，呢位地产大亨唔只请咗克林顿两夫妇，仲觉得有呢对前总统伉俪赏面嚟饮，简直与有荣焉添呀，即刻叫埋老婆嚟迎宾先。世事嘅嘢你点估到？11年后特朗普同希拉里居然争做总统，仲要闹到反晒猪肚，句句人身攻击咁。

学阿彪呢句至理明言，我谂阿Bill都好同意。

呢段情，其实点只11年前……90年代克林顿做总统𠮶阵，佢两公婆早就认识作为纽约地产商嘅特朗普，白宫嘅圣诞派对宾客名单上，特朗普一家都榜上有名，当日系第一夫人嘅希拉里，见到特朗普同两位囝囝都有影相留念。影呢幅相嘅摄影师Sarah Merians就话，当日系特朗普要求同第一夫人集邮嘅。你睇特朗普笑得几咁腼腆？希拉里几咁青涩？佢事后仲好恭敬咁赞希拉里：“第一夫人是位很棒的女性，她处理压力出奇地佳。”

当年，克林顿爆出同莱温斯基嘅性丑闻后，人人都叫佢落台，世人都唾弃佢，但特朗普𠮶下就挺身为克林顿讲好说话，话克林顿先系“受害者”，仲喺一个访问中，话“老屈”克林顿性侵𠮶啲女人“简直系我见过最唔吸引嘅女人”，除非好似Supermodel咁索先讲啦。

讲到呢度，有无发觉好奇怪先？早𠮶排特朗普咪揾晒呢班女人行出黎，喺第二场大选辩论坐正正喺度啰！呢啲真正系今天的我，打倒昨天的我啰。

不过，故事只系啱啱开始。一切要喺克林顿结束总统任期讲起（2000年之后）。阿Bill因为性丑闻同特赦里奇的争议，个朵已经臭晒。两夫妇由华盛顿搬去纽约重新发展，希拉里亦初次以自己嘅身分涉足政坛，参选纽约州参议员。政商界好现实嘅，𠮶时人人都怕咗同克林顿行得太近，连四个高尔夫球会，都唔肯侵佢玩。连特朗普都讲咗句“一个前总统竟然要求人先入到会，真系难以置信”。

初嚟报到嘅克林顿夫妇，Bill一方面要改善形象，密密去大学演讲，宣传自己嘅政绩，两夫妇另一方面又四围认识华尔街新贵，为基金会筹钱。同时，特朗普嘅生意王国亦渐渐扩大，仲开始上埋电视主持真人骚《飞黄腾达》。

喺纽约上流圈，特朗普出名唔受欢迎，唔会好似彭博咁发财立品，搞公益，搞慈善，但又要扮到好似人哋咁有钱。（喂，彭博副身家大拿拿419亿美元，多佢十倍都唔止。）或者特朗普𠮶下先发现朋友系好重要，克林顿都同佢几啱channel吖，咸咸湿湿咁。聪明嘅特朗普好快就知道要同克林顿玩，可以从打golf入手㖞。

“为咗你　我拆左个golf场再起过都在所不辞”

特朗普将一个喺90年代后期买入嘅高尔夫球场，喺1999年拆掉再建，2002年重开，呢个“特朗普国家高尔夫球会”正正喺克林顿屋企大约10公里外，特朗普可以同佢一边打波一边倾生意，克林顿喺golf场仲有个私人locker添（唔知两个有冇系度讲locker-room talk呢……掩面），简直系贵宾式待遇。唔只打golf，特朗普真系当正克林顿夫妇系女咁追，捐过10万美元畀克林顿基金会。上集飞云都同大家讲过，佢地两位千金都好老友。

相关文章：【每逢大事讲故事】美国大选A餐定B餐　第一千金你点拣？

𠮶个笑到烚熟咁嘅边个黎架？唔系睇相，飞云都唔相信自己对眼呀。

又甚至再近期啲，希拉里喺2008年第一次选总统，特朗普依然好撑佢，第二任特朗太当时仲话：“我好享受同希拉里一齐嘅时光，她好清晰，好专注。我地嘅声音都一定可以清楚听见。”不过，纽约名流圈内都好少见到特朗普夫妇同希克林顿夫妇同场出现，即使去呢啲场合，通常系为公事。

如果真正嘅友情系经得起考验，特朗普同克林顿妇夫嘅友情可谓从来没发生。有人甚至话克林顿夫妇肯出席特朗普呢啲咁土豪嘅婚礼，都系因为咁啱得闲，又或者希拉里以为特朗普有做佢水鱼嘅潜质，先安排时间去饮。而希拉里本人就咁讲嘅……

希拉里上年仲好得戚咁话，去饮无送礼畀特朗普夫妇㖞。大佬，公价八嚿都唔畀……飞云唯有讲句——