严选3件打工仔台头必备小法宝 食晏午睡方便过人 你仲差边件?

香港打工仔工时长已经系众所周知，每日由朝到晚一坐坐足九个钟，留喺办公室嘅时间随时比留喺屋企仲要长，话系“第二个家”都不为过。之不过要长时间留喺同一位置上工作，就算你有超乎常人嘅，时间一长，都难免会做到颓颓地。既然系咁，何不试下将从工作环境着手，为自己打造一个舒适嘅工作环境，做嘢做得舒服啲，心情就自然更好。

虽然话办公室系打工仔嘅第二个家，不过终归都系一个公用空间，细至文具，大至Pantry，有好多嘢或多或少都要share用，唔急住用都算，有时急起上嚟就真系头痕喇。既然都要长时间留喺个位，咁点解唔索性对自己好少少，装备返啲必用物品，私家用方便又卫生。今次小编就揾嚟3件辨公室必备好物，等大家可以将自己个位布置成一个专属小天地，一个“麻雀虽小，五脏俱全”嘅舒适空间！

微型私家Pantry必备——小型冰箱

公司咁多人，pantry往往就得一个，遇着lunch time呢啲时间真系够你用定够我用？虽则同同事分享雪柜、微波炉都唔系咩大问题，但弊就弊在好多公司嘅雪柜都唔够大，一打开永远都见到一座饭盒山，堆满晒饮品食物，唔勤加清洁仲不时会有异味，望见已经令人却步。不过𠵱家市面上己经越嚟越多针对细小空间推出嘅产品，就好似迷你雪柜仔咁，放一部喺台底自私用，够晒方便又卫生！

夏新迷你雪柜 ￥260

夏新迷你雪柜具备冷暖两用功能，温度介乎于0℃至65℃之间，制热相信大家未必太常用到，而制冷方面就有3小时快速冷冻，夏天用嚟雪罐冻冰冰可乐，为工作中嘅自己醒一神简直一流。容量分别有6L、12L、20L三个容量可以拣，一般办公室用选择6L相信都好足够，放到一个饭盒、两三罐饮品，一个人用啱啱好。

微型私家Pantry必备——迷你多功能电热水壶

唔少公司每层都只系得一至两个微波炉，一到中午时间个个放lunch，想食个饭都要又排队等叮，等一等咁又冇咗两三个字，浪费晒本来可以休息嘅时间。想快快手食个饭，其实唔一定要靠微波炉，入返个电热水壶，喺自己个位度都煮到快靓正嘅午餐！

迷你多功能电热水壶 ￥99

近年市面上好多为旅行而设嘅电热水壶，当然唔止旅行用得，放喺office用都好适合。就如呢款多功能电热水壶，煲水煲茶之余，亦都可以煮埋面、煲埋粥、炖埋汤，或者帮食物饮品保温，快至5分钟就煲滚水，慢至45分钟即可煮成甜品、热汤，基本上lunch想煮出个面食，15分钟内一定搞得掂。壶身内使用嘅系304食品级不锈钢，加上2.3mm加厚玻璃，大家可以用得放心。

午睡休息必备——折叠式充气趴睡枕

返工要长时间动脑做嘢，好容易一做就做到个脑实晒，同样lunch后都糸容易饭气攻心，完全冇精神工作，呢个时候唔休息一下，又点继续挨剩返𠮶半日时间？不过试过喺公司小睡片刻嘅人相信都知，趴喺台上瞓觉唔止休息唔到，仲会令手臂麻痺、腰酸背痛，随时瞓完仲攰过冇瞓。

折叠式充气趴睡枕 ￥58.8

呢件午睡神器相信就能够完全解决以上嘅烦恼，唔好睇佢个样奇奇怪怪咁，事关当中嘅设计系十分细心同实用。中空嘅位置可以畀大家穿只手入去，而顶部同侧边嘅缕空位，就分别用嚟放头，同避免顶住个肚，瞓得舒服先可以补充到精神。加上折叠式充气设计，用嘅时候先拎出嚟，唔用就收喺柜筒，非常方便。

(产品资料以官方最新发布为准，价钱最后更新至2020/02/02)