【情人节】女神沙律亲自传授必胜约会妆容贴士 用6件化妆品就搞掂
一年一度嘅情人节就快到喇～ 无论系有情人或单身嘅你，都会约埋伴侣或者暧昧对象一齐共渡情人节，来一场甜甜蜜蜜嘅约会。咁特别嘅日子当然要悉心打扮一番，展露自己最完美嘅一面。想要令男生对你眼前一亮，好感度爆登，除咗需要喺穿搭上花心机，当日嘅妆容都系决胜嘅关键！今次就好荣幸邀请到真女神——沙律（张沛乐Charlotte Cheung）教各位姊妹化情人节甜美约会妆容，想要跟沙律女神偷师学艺，俘虏男神𠮶心的话，就立即click入上面条影片睇睇喇！
今次沙律分享咗好多化妆上嘅小技巧，原来一个看自然日常嘅约会妆容背后喺蕴藏咗咁多小心机，小编都觉得上了一课啊😆！不过，古语都有云“工欲善其事，必先利其器”，想要化出令人好感度满满又gf-able嘅妆容，所选用嘅化妆品都系至关重要，即刻睇埋沙律到底用咗咩化妆品喇！
眉妆
PERFECTLY DEFINED LONG-WEAR BROW PENCIL 炫目持久眉笔 HK$340
粗、黑、平嘅韩式一字眉经已被淘汰喇，弯弯自然又柔和嘅眉毛先系王道！沙律就教大家画眉毛时候，要先揾出眉头、眉峰及眉尾。画眉时切忌太用力，必须要温柔地一笔又一笔咁描绘出毛流感。
Bobbi Brown炫目持久眉笔嘅笔尖系特殊斜角设计，方便精准勾勒眉尾及眉峰位置。而且，笔芯质地细滑，轻易上色、颜色均匀、唔会结块。仲要16小时超防水、极耐汗，咁即使约会一整日就唔怕溶喇！
眼妆
THE ESSENETIAL MULTICOLOUR EYE SHADOW PALETTE - Into The Sunset HK$360
情人节妆容嘅重点当然系要化出甜美感、亲切感、温柔感。所以太过色彩缤纷嘅玩味妆，又或者系妖艳媚人嘅烟熏妆都会吓怕男生们㗎😖！
所以沙律就拣咗一个颜色自然日常嘅大地色系眼影盘，最后再加埋小小带珊瑚粉色嘅胭脂点缀眼妆，增加甜蜜度之余，仲可以同胭脂颜色做番首尾呼应𠻹！
钟意自然妆容嘅你，可以好似沙律咁利用眼影盘入面最深嘅啡色代替眼线笔，用眼线扫勾画出眼线，咁样唔单止有放大双眼嘅效果，而且眼神望落仲会更加柔和，冇咁凌厉喇！
INK LINER 眼线液 HK$240
若果想要大眼效果再明显啲的话，可以利用眼线液笔加番小小眼线。不过沙律就教落，双眼皮唔系特别高嘅姊妹千祈唔好将眼线画太粗，否则眼线盖过咗双眼皮褶位就会令眼晴望落变细，弄巧反拙。
Bobbi Brown 眼线液更系沙律嘅心头好，因为笔芯够尖又唔容易开叉，轻松就可以画到好幼细嘅眼线，啱晒化妆新手啊！
NO SMUDGE MASCARA 不脱色持久睫毛膏 HK$270
嚟到整个眼妆最画龙点睛嘅一步，当然就系眼睫毛喇！根根分明，又长又卷曲嘅眼睫毛不单止可以放大双眼，更重要系望落更加Bling Bling有神又楚楚可人，想要用双眼放电嘅姊妹绝对唔可以漏咗呢步。
首当其冲系要拣啱睫毛膏，事关睫毛膏决定住整个眼妆嘅“成或败”，得定唔得就靠佢！Bobbi Brown 不脱色持久睫毛膏涂上后即时有增长及丰盈效果，即使垒涂都唔会出现结块或“曱甴脚”情况。卷翘度及持久度都Keep到一整天，另外有埋防水功能，就算男朋友氹得你感动到喊都唔怕溶妆！
腮红
SHIMMER BLUSH- CORAL 闪烁脂胭 - 珊瑚色 HK$250
胭脂系最容易失手嘅地方，一个唔觉意重手咗就分分钟秒变“马蹓屎忽”。所以，沙律就拣咗 Bobbi Brown 闪烁脂胭，珊瑚色唔挑肤色，搽上脸自然又提气息。里面仲有非常幼细嘅珍珠粒子，可以打造出有光泽感嘅腮红，连之后搽Highlighter𠮶步骤都悭番𠻹！
唇妆
LUXE LIP COLOR HK$280
最后一个步骤就系搽唇膏，唇膏颜色千万千万唔好选择大红色，一来普遍男士们都唔识得欣赏，二来佢哋会觉得你化到“血盆大口”咁，原本想同你锡锡都立即退后一步啊🥺！
沙律教大家选择唇膏时要配合番腮红嘅色调，所以佢就搽番豆沙色嘅唇膏，咁就唔怕突兀，成个妆容仲可以保持番一样嘅色tone。而且豆沙色温柔又唔夸张，搽完显白又提神，重点系够平易近人，男神见到你都唔会掉转头走人！🤣🤣🤣
(产品资料以官方最新发布为准，价钱最后更新至2020/02/06)