跟著韩妹学化妆！3分钟轻松学识超简易“万能眼影公式”新手必学!

对于化妆新手嚟讲，眼妆系一门高深莫测嘅学问。从第一关选择眼影颜色开始，再来到眼影落笔位置，然后系最关键嘅晕染技巧，每一个步骤都系难关，环环相扣，每一步都必须要小心翼翼！不过，你又知唔知道化眼妆都有“公式”可言？其实只要学识一套万能不变嘅“眼影公式法”，就可以靠一套公式走天下，从此任何眼影盘都考你唔到。

平日上Instagram都唔难发现，韩国有唔少美妆Blogger经常喺网上分享唔同眼妆嘅画法。今日就一齐嚟参考一下究竟韩妹们最爱用嘅“眼影公式法”系点样化，小编会同大家一齐逐步拆解，逐步击破！💥💥💥

✨第一步：眼皮打底✨

打开眼影盘，揾出最浅色（最接近肤色）嘅眼影作为打底色，大范围地涂抹于整个眼窝位置。呢个步骤尤其重要，可以令之后昼嘅眼影颜色更显色、更持久。而道理就如绘画一样，若果喺一张白纸上涂上颜色绝对比喺黑色纸上更加明显及突出。

✨第二步：双眼皮折位加深✨

使用深一度嘅眼影颜色，涂抹于双眼皮折位内，然后利用眼影扫稍微往上晕染自然。必须仔细向上晕染，否则颜色会过渡得不自然。

✨第三步：眼尾ㄑ字加深 + 下眼尾加深✨

于眼尾ㄑ字位置，画上深色眼影再往左右两边慢慢晕染开。呢个步骤可以营造层次感之余，又具有放大双眼效果。然后使用同款眼影，带到下眼影⅓ 位置，加深眼尾，晕染均匀，使下眼影与上眼影自然连接。

✨第四步: 珠光眼影打亮✨

合上眼睛，揾出眼皮中央最突出嘅位置，搽上带珠光亮片嘅眼影打亮。而韩妆精粹在于卧蚕，绝对不能忽视！于卧蚕位置同样搽上珠光眼影，可以令整个眼妆变得更精致更迷人，仲自带一种泪眼汪汪嘅感觉𠻹！

原来，韩妹们看似复杂又极具挑战性嘅眼妆，只要一套公式就可以完美消化，任何眼影盘遇上呢套公式都必冇失手，仲可以演变出无穷无尽嘅眼妆𠻹。

技巧同步骤都拿捏清晰后，但却唔知道点样搭配眼影颜色？唔怕！化妆新手们可以先从四色眼影盘开始尝试，皆因选择越多就越容易陷入迷惘，想走出困局，首先要化繁为简。

韩国化妆品牌3CE每次推出嘅新品都唔会令人失望，继红遍社交媒体嘅九宫格眼影盘之后，上个月就刚刚推出咗四色眼影盘—MINI MULTI EYE COLOR PALETTE，新鲜滚热辣！一盒眼影备有哑色及珠光色，包括：打底色、眼皮皱褶色、加深色、提亮色，颜色经已搭配妥当，只要套用番万能“眼影公式法”，眼妆便可轻松KO！

哑色 + 珠光系列

#ALMOND FUDGE HK$199

#SIDE BY SIDE HK$199

#Closing Out HK$199

全哑色系列

#Brown Rum HK$199

#Rose Latte HK$199

化妆新手们，你哋缺乏嘅并唔系一双心灵心巧嘅手，而系一款简单易用嘅四色眼影盘！💗

(产品资料以官方最新发布为准，价钱最后更新至2020/01/21)

（图片来源：ITeshop、STYLENANDA官网）