Dyson旧款减价接近6折! 严选三款Dyson人气家电 每个家庭必备!

作为家电界中嘅Apple，Dyson一向深受唔少主妇，甚至年轻一辈嘅用家爱戴。其中皇牌产品吸尘机更被誉为“地上最强吸尘机”，就算价钱高昂，仍然吸引到唔少人乖乖进贡。点解咁受欢迎？系趁墟嘅心态？系身份嘅象征？大错特错！事关Dyson嘅家电确实系外表美观，同时功能亦都非常强大，好多小细节上嘅设计都非常切合现代家庭嘅需要。今次就为大家盘点三款人气爆灯，而且好评如潮嘅Dyson家电，睇下你仲差边款！

Dyson系一个嚟自英国嘅家电品牌，喺推出首部吸尘机之前，创办人花咗接近五年时间，尝试咗5127次，先研究出首部无尘袋嘅吸尘机，而其后每次推出嘅新产品，每个带嚟一个又一个令人惊喜嘅功能。睇到呢度，或者好多人都会质疑，Dyson到底系咪真系咁好用呢？网上有网民就表示：“如果你没用过差的，恐怕不会明白Dyson 有多好用，虽然贵了一点，但它带给你的体验，绝对是值回票价。”

不过若然认真一算，就会发现Dyson嘅家电，无论系吸尘机、风扇、空气清新机，定系最近先推出嘅造型神器，价钱一般都系比同类产品贵一截，虽然话就话系值回票价，但相信有部分悭家嘅朋友始终都未必舍得去买。小编今次就发现网上家庭用品店J SELECT做紧唔少Dyson嘅优惠，虽然唔系最新嘅型号，但购买家电最主要都系视乎需求同预算，唔需要下下都追求最新。今次优惠接近6折，想入坑嘅朋友仔不妨趁呢个机会入手试试！

Dyson必买好物——吸尘机

Dyson嘅吸尘机出咗名吸力强，配备多种针对不同材质而设计嘅吸头，由木地板、砖地，以及地毯都能可以轻易除尘，甚至仲可以吸到99.97％小至0.3微米的微尘，加上方便用家清理嘅集尘筒，当以上嘅元素合而为一，吸尘清洁做起嚟就变得更加得心应手。

不过即使系同一代嘅Dyson吸尘机，款式都分为好多种，又Fluffy、又Animal、又Absolute，到底点拣好？其实主要分别在于所配备嘅吸头唔同！

Fluffy：主要搭配硬地板专用嘅软绒毛滚筒吸头
Animal：主要搭配地毯专用嘅碳纤维刷毛深层吸头
Absolute：同时搭配软绒毛滚筒吸头及碳纤维刷毛深层吸头

若然大家系首次入坑，建议可以直接考虑买Absolute，毕竟配套齐全，最方便，第时即使有额外嘅需求都唔使再另外购买吸头。

DYSON CYCLONE V10 ABSOLUTE 无线吸尘机 HK$4280 (原价HK$6480)

呢款DYSON CYCLONE V10 ABSOLUTE虽然并唔系最新型号，但上市嘅时候都一度引起过唔少话题，更成为当时嘅吸尘机王。全因V10系内部结构上做咗唔少调整，一嚟采用咗全新设计嘅数码摩打，转速每分钟高达 125,000 转，而摩打入面有智能调控，自动侦测所处环境嘅高度、气压、温度而调整吸力。同时由于摩打、集尘筒设计上系对齐，加上14个气旋，所以空气会直线形式进入，吸力会比一般吸尘机大好多！

Dyson必买好物——座台式静音风扇

Dyson除咗吸尘机出名，无扇叶风扇嘅讨论度亦都系相当高！自Dyson推出产品之后，无扇叶风扇更加成为风扇市场上嘅潮流指标，唔少家庭都放弃使用传统风扇，改为使用更安全、更方便清洁嘅无扇叶款式。

DYSON AM06 座台式静音风扇12吋 HK$1780 (原价HK$2980)

呢款AM06座台式静音风扇虽然并非全新型号，但𠵱家做紧6折优惠，二千都唔使就可以入手，非常值得推荐。Dyson嘅风扇使用Air Multiplier™ 气流倍增技术，空气穿过环形气道时会加速，并同时卷入周围嘅空气，以制造出稳定嘅强风，因此无需扇叶，亦都有风从中央吹出。比起一般传统风扇，无扇叶风扇运作时更加宁静、安全，而且清洁亦更加方便。加上仲有睡眠计时器，可以预设15分钟至9小时后关机，若果屋企有小朋友或者小动物，或者想摆部细细地嘅风扇喺房入面自私吹，咁呢款风扇就啱晒喇！

Dyson必买好物——座地式二合一风扇空气清新机

继座台式无扇叶风扇，另一热门产品就系智能空气净化风扇，事关呢款风扇唔单止具备所有Dyson风扇嘅强大功能，另外仲可以做埋空气净化，集风扇及空气清新机于一身，一部机已经取代两种家电，悭位又方便。

DYSON TP04座地式二合一风扇空气清新机 HK$4658 (原价HK$5480)

呢款风扇空气清新机使用360°密封HEPA滤网同活性炭滤网，双管齐下滤走有害气体。滤网有效捕捉99.95％小至PM0.1的超微粒，诸如空气中嘅致敏原、污染物统统都可以过滤得一干二净。最智能之处就在于风扇能够即时感应空气污染物，包括PM2.5、PM10悬浮粒子、二氧化氮及挥发性有机化合物，配合埋Dyson Link应用程式，就可以对屋企嘅空气情况了解得一清两楚，如果家中有成员有敏感问题，呢部二合一风扇空气清新机或者就帮到你喇！

Dyson嘅吸尘机好用程度几乎系无容置疑，不过大家都不妨留意下Dyson其他电器，事关好多都设计得相当贴心，非常智能，好啱现代家庭使用。不过入手之前，记得先留意吓唔同嘅网上优惠，例如J SELECT嘅OUTLET，皆因好多旧型号不时都会有特价，呢个时候绝对可以帮你悭番一笔！

(产品资料以官方最新发布为准，价钱最后更新至2020/01/11)