长短途出差旅行有咩必带? 3件旅行神器推荐 手掌大小 悭位超方便!

香港人出咗名钟意去旅行，一年飞三四转绝对系好闲，不过执行李嘅时候就好头痕。身处外地，无论系住酒店定民宿，有好多嘢始终未必用得习惯，亦未免会担心公用物品嘅卫生情况。一方面既想带齐自己用开嘅物品，另一方面又怕未出发已经搞到爆晒喼，难道就冇两全其美嘅做法？

正所谓贪靓系人嘅天性，就好似小编咁，就算明知去到外地冇人识你，但仍然会由头到脚将自己执到靓一靓，加上对卫生程度有一定嘅要求，所以自己带到嘅一定会带埋，不过呢啲物品通常都好鬼大件，霸晒喼嘅空间，所以小编最近就发掘咗唔少旅行专用嘅小法宝，全部小巧轻便，又可以折叠，易于携带，今次就同各位旅行精分享一下！

以下就为大家推荐3款出差旅行必备实用小电器，就算系行李有限嘅情况下，一样可以轻松带齐装备，去旅行，去到尽！

旅行必备神器一：折叠式电热水壶

早于几年前开始，已经有唔少新闻报导揭发过酒店或民宿恶劣嘅卫生情况，其中又以电热水壶特别骇人听闻，用嚟当做烟灰缸又有，洗底裤都有，就算系五星级酒店，喺完全唔知上手点用热水壶嘅情况下，真系未必够胆再拎嚟用，毕竟放入口嘅嘢，都系干净啲好。如果大家平时住酒店都会煲吓热水、渌吓杯面，不妨准备定一个便携式嘅电热水炉。

德国宝 - KTT-109 折叠式旅行电热水壶

德国宝系着名嘅家电大牌，品质相当有保证。呢款电热水壶除咗有最基本嘅煲水功能之外，亦可以用嚟煮食及保温，可以自行调校由30℃去到90℃之间嘅温度。整个水壶容量足足有600ml，一家人一齐用绝对绰绰有余。折叠后嘅体积相当小巧，高度大概只有一张信用卡咁上吓，而阔度亦都瘦过一部手机，咁就唔会霸晒行李喼嘅空间啦！

🔻折叠式旅行电热水壶功能一览🔻

旅行必备神器二：折叠式风筒

女生早上要造型，男生亦要gel头，对于注重造型嘅人嚟讲，风筒简直系人生中不可或缺嘅电器之一！不过去开旅行嘅你相信都知，酒店嘅风筒真系非常之唔好用，唔系出风弱，就一系要揿实个掣先出到风，而如果你系住民宿嘅，更加大机会系连风筒都冇提供，与其左揾右揾，又用得唔方便，倒不如自己预备定一个啦！

NOBBY BY TESCOM - 双电压负离子风筒 HK$468

呢款风筒最大嘅特色系具有双负离子功能，吹头之后头发顺滑而且唔会打结，加上有冷风造型功能，轻轻松松就可以吹出一个完美嘅发型。至于尺寸方面同样令人眼前一亮，折叠后大概只有手掌咁大，而且重量只系得430g，非常小巧，无论带去边都冇难度！

🔻旅行负离子风筒功能一览🔻

旅行必备神器三：便携式熨斗

执喼嘅时候无论将啲衫折叠得几整齐都好，行李喼经过长时间嘅运输，都难以避免会令衣服出现折痕，情况又以夏天嘅衣服尤其严重，如果唔想件衫好似成撮“梅菜”咁肉酸，又或者出差时需要一套整齐到“起骨”嘅恤衫西裤，咁就需要自备一部熨斗喇！

两用便携式旅行熨斗 HK$394.25

可能好多人都觉得，就算熨斗有几迷你都好，都仍然会占去唔少嘅空间，但小编可以话你知，呢个熨斗绝对会令你大眼开界，甚至比以上两件电器都更加轻巧。事关佢并唔系坊间𠮶种缩小版嘅熨斗，而系好似一块直发夹咁嘅设计咁，一方面可以将衣服垂直夹直，方便小范围使用，另一方面亦可以将佢打开，变成一般熨斗咁，大范围将衣服熨直，就算酒店冇空间畀你将衣服平放，都一样熨到衫，非常实用又贴心！

🔻两用式旅行熨斗功能一览🔻

嚟紧又系旅行嘅季节，若果大家都有外游嘅计划，就不妨买定装备，做足准备去玩番够本！

(产品资料以官方最新发布为准，价钱最后更新至2020/01/04)