【美食敢死队】华丽“蟹”逅！江苏大闸蟹VS北海道大闸蟹大对决！

秋风一起，终于迎来大闸蟹盛产嘅季节，相信各位吃货已经磨拳擦掌，准备好要大开“食”戒。但讲起大闸蟹，大家都会先谂起阳澄湖，其实大闸蟹并唔系只得阳澄湖有。今次试食专员Mario同猫姐就帮大家搜罗咗分别嚟自江苏洪泽湖以及北海道石狩川嘅大闸蟹，实行中日两地大比拼，想知道边度出产嘅大闸蟹更胜一筹？立即click入上面影片开估喇！

吃货们系咪已经心痒痒，急不及待要一尝大闸蟹嘅滋味呢？且慢！即刻睇埋以下中日大闸蟹评比再下决定喇！

俗语有云“九月食圆，十月食尖”，意思系农历九月适合食雌性大闸蟹，农历十月就适合食雄性大闸蟹。所以今次Mario同猫姐就挑选咗正值当造期嘅 4 両蟹乸，清蒸烹调，务求可以品尝到最原始最纯粹嘅味道，为大家试到一清二楚！

🦀中国 江苏洪泽湖大闸蟹🦀

参考价：
公蟹 4两 $108 / 乸蟹 4两 $128

江苏大闸蟹果然系非同凡响，啱啱蒸好出炉就已经闻到诱人嘅味道，整间房都弥漫住大闸蟹嘅香气！黄𣍰膏鲜，令人欲罢不能，试食专员都忍唔住一口接一口食，瞬间消灭一整只蟹😋。但唯一可惜之处系质量有啲参差，好似猫姐就拣中咗一只膏肥肉满嘅大闸蟹；相反Mario就拣咗只冇乜蟹膏蟹黄嘅蟹。难道食蟹都系需要点运气？

🦀日本 北海道石狩川大闸蟹🦀

参考价：
公蟹 4两 $70 / 乸蟹 4两 $100

北海道大闸蟹一样冇得输！只只爆膏！一揭开蟹盖，满满嘅金黄蟹膏已经抢晒眼球，试食专员都忍唔住“哗”出嚟，惊喜爆登😱！扳开蟹身后，依然都系满到快要溢出嘅蟹黄蟹膏，蟹黄入口鲜甜香滑，蟹膏结实浓郁，简直系无“蟹”可击！唔讲唔知，原来北海道嘅环境同气候系非常适合出产大闸蟹，皆因北海道水质洁净零污染，令出产嘅蟹肉质更结实、味道更鲜甜。而且气温较低，低温更能刺激体内激素分泌，换言之就有更加多蟹膏蟹黄喇。虽然来自日本但价钱都好亲民，抵食之选！😋😋😋

正所谓“可以hea的话，不会郁。”其实网上都有好多地方可以买得到大闸蟹㗎！网上落单，翌日送货，唔使落街，𠵱家只要安坐家中就可以大叹蟹宴喇！

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈 

👉按此进入Telegram优惠码发放区👈