美国超人气天然清洁品牌Method 温和清洁剂 主妇手湿疹都用得!
洗手、洗碗、家事清洁系人人每日必做嘅事情，但未必人人都识得挑选适合嘅清洁剂。早前消委会验出多款洗手液都含有可致敏嘅成份，包括防腐剂、甲醇、游离甲醛等物质，如果日日用会对我哋嘅双手同皮肤造成极大嘅伤害，甚至有机会会患上皮肤炎！所以小编今日就介绍大家一个天然无害嘅清洁剂品牌，唔止清洁力强，仲可以保护双手免受伤害！
Method来自于美国，喺当地可以话系家传户晓嘅清洁品牌，强调天然同环保，佢地嘅产品包括洗手液、洗衣液、洗洁精、家居清洁剂、个人清洁用品等等嘅成份都系全天然，由植物中萃取，不含添加剂，而且仲通过埋美国国家环境局颁发嘅DFE成分安全认证、欧盟EPEA产品环保安全认证等等，成份安全又温和，就连有主妇手或者湿疹嘅人士都用得！
大家唔好以为成份温和嘅产品清洁力就会较弱，Method正正系主打强力去污，以植物配方分解污渍，喺杀菌方面，佢地嘅草本杀菌配方更加系获得专利，可以杀死99%家庭常见嘅细菌，而且气味仲好清香，完全唔会有任何刺鼻嘅气味。
Method几乎系每个美国家庭必备嘅清洁法宝，虽然香港仲未有门市，但𠵱家喺iHerb都可以买得到，仲直送到屋企门口！
Method 洗手液系列 HKD$39.9
Method 洗手液有分为普通洗手液同泡沫洗手液，iHerb上总共有9款味道可以拣，用完之后亦都可以买1000ml嘅补充装继续使用，环保得嚟亦够晒划算！
Method 多用途天然清洁剂系列 HKD$63.9
呢款清洁剂由玉米同椰子制成，使用咗PowerGreen技术，利用可生物降解嘅成分嚟产生强效嘅，成份全天然，可以用嚟清洁台面、瓷砖、石头、木头、玻璃等等无孔嘅材质。
Method 洗衣液系列 HKD$135.9
洗衣液同样使用可生物降解嘅植物性配方，任何水温都用得，而且低致敏性，最啱用嚟洗小朋友嘅贴身衣物！
小编提提你，iHerb网站不时都会做折扣优惠，而且订单满USD$40即免运费，仲唔快啲去拣番堆天然嘅家事清洁用品！
(产品资料以官方最新发布为准)