一支地拖四种用法? 淘宝实用性极高懒人神器 悭钱悭力悭时间!
“可以hea的话，不会郁！”香港人平时生活忙碌，返到屋企之后当然想有咁懒得咁懒，但求郁得越少越好，继上次嘅智能家电之后，小编今次再为各位懒人一族挑选咗5种实用性极高嘅懒人神器，唔单止令到生活方便好多，有啲神器更加可以悭埋钱，一举两得！
1. 四合一懒人地拖 震撼价¥139 (原价¥399)
相信有做开家务嘅朋友都知，拖地同吸尘一定系家务中最花时间同力气嘅环节，如果各位懒人一族都有呢个烦恼，咁就要试试呢款四合一嘅懒人地拖喇！
一支地拖已经包含喷水地拖、吸尘器、扫地机同平板拖把四种功能，唔需要更换拖头，扫地嘅时候同时将尘埃、垃圾同无法吸附嘅毛发一齐吸走，同一时间亦都可以用埋地拖嘅喷水功能湿抹地板，咁样一次过就可以做好干湿清洁，以后拖起地嚟就做使再抹几转，非常悭力，亦都悭番要买唔同拖把嘅钱！
2. 多功能懒人手机支架 ¥11.5 (原价¥15)
懒人最钟意就系摊喺床上煲剧碌手机，如果要将懒惰实行到底，就要连双手都解放埋！
呢款懒人支架以铝合金软管制造，用嘅金属物料媲美航天金属材质，非常襟用，唔单止可以轻松扭曲成任何形状同角度，更可以360度随意旋转，唔会断裂或走位，牢牢咁将手机咁固定喺任何位置。最方便嘅系支架可以自由组装，无论想延长缩短，定变做桌面支架都一样冇问题，一物多用，非常实用！
3. 懒人豆袋梳化 震撼价¥239 (原价¥556)
作为一个懒人，最常逗留嘅地方除咗床就必定系梳化，摊落一张舒适嘅梳化简直就系人生一大享受。
呢张懒人梳化使用透气嘅细绒麻布同进口EPP颗粒制造，材料不含甲醛、异味，同时可以自动分解，即使用耐咗、坐得耐都唔会出现塌陷嘅情况，环保之余仲十分安全，而清洗方面亦都好简单，因为袋口经过特别嘅设计，大家可以好轻易就将EPP颗粒同梳化套分离同组合，加上豆袋梳化重量轻，大概只系3kg左右，就算女仔自己一个都可以轻松处理得到。
豆袋梳化总共有9种颜色同2款大小可以选择，仲可以配埋用嚟晾脚嘅小脚踏，无论屋企系咩风格，大定细都一样啱用！
4. 自动卷发棒 震撼价¥158 (原价¥318)
为咗自己嘅外表，女士们真系每朝都要牺牲唔少睡眠时间去化妆set头，但如果用咗呢款自动卷发棒，相信就可以悭番唔少时间喇！
使用时只要拎起一小撮头发放入卷发棒嘅魔法抓中，并按下按钮，头发就会自动被卷入卷发棒入面，唔使再慢慢用手卷上去，最犀利系卷发棒有双卷动同双向功能，魔法抓同卷发棒可以同时旋转，无论系内弯嘅梨花头定性感嘅大波浪造型都可以好快手就set到，大大减少朝早整头嘅时间！
卷发棒使用陶瓷发热面板，有六种温度可以调教，亦可以保持200度恒温，产生瓷离子锁住头发嘅水分，咁就可以解决高温造型后会出现嘅毛躁问题！
5. 全自动挤牙膏器牙刷架套装 ¥49 (原价¥98)
唔知大家有冇试过因为牙膏问题而同屋企人嘈交呢？到底牙膏要由尾定系由头挤上去，挤嘅份量多定少，牙刷点摆法……问题看似琐碎，但偏偏令人好烦恼！如果大家都有呢个问题，咁就要试下呢个挤牙膏器套装喇！
呢款神器包含挤牙膏器以及置物架，一件产品已经可以做到自动挤牙膏以及收纳嘅功能。置物架最多可以收纳两支牙膏、五支牙刷，以及四个漱口杯，另外亦都有小量空间俾大家放剃刀或梳之类嘅小物，方便全家人一齐使用。
置物架嘅底部亦具有永磁体吸附功能，可以将漱口杯倒转收纳，沥干水份嘅同时亦都方便小朋友取放。而安装方面同样好简单，无需钻墙或打窿，只要使用卖家附送嘅小工具即就可以轻松搞掂！
各位懒人睇完系咪好心动呢？嚟紧就系淘宝嘅99划算节喇，无论系以上介绍嘅神器定其他淘宝商品都做紧优惠，唔止单件有得减，如果淘宝订单买满指定金额，就可以使用香港01送你嘅独家优惠码，满¥799即减¥100或满¥399即减¥40，减完再减真系非常抵买！
(产品资料以官方最新发布为准)