【unun独家引入】日本人气插画师长场雄 黑白极简线条Tee文青必入
日本插画家长场雄嘅作品风格独特，一向深受文青喜爱，而佢同各大潮流品牌合作推出嘅联名商品更系经常俾人抢购一空！本地选物网站 unun 𠵱家就为大家独家引入一系列长场雄商品，包括 T-Shirt，Tote Bag、Cap 帽、贴纸等等，当中更加有长场雄同 unun 联乘嘅别注单品。
插画家长场雄擅长以黑色单线条描绘出人物不同嘅形象及个性，画风乍看之下虽然简单，但个人风格非常强烈，今次unun 独家引入长场雄嘅周边商品，更联乘推出独家联名 T-Shirt，长场雄嘅粉丝以后唔使再揾日本代购喇，上网就可以轻松买到心头好！
长场雄 X UNUN EXCLUSIVE EDITION MISS
长场雄经常以电影作为笔下嘅主题，今次同 unun 独家联乘推出嘅 MISS T-shirt 就取用咗香港电影花样年华嘅经典场景、以简约嘅硬线描绘出电影中触动人心嘅一幕。同系列共有两款商品，包括 T- Shirt 及两用 Tote Bag，港产电影迷千祈唔好错过！
除咗 Exclusive Edition 嘅花样年华电影单品，长场雄亦于个人以电影为题嘅插画集《みんなの映画100选》中选取部分嘅作品实体化成商品，此系列暂时共有 3 款 T- Shirt 及两款 Cap 帽于 unun 出售，小编私心推荐以电影“这个杀手不太冷”为主题嘅各款商品，插画选取咗 Leon 同 Mathilda 喺小套房内嘅 Training 嘅场景，咁具代表性，难怪非常抢手！
以女生为主角嘅 ”Girl” 系列插画亦系长场雄常见嘅绘画作品，描绘出都市女生嘅知性美同慵懒感。同系列共有 5 款 T- Shirt、3 款 Tote Bag、两款贴纸及 1 款手巾仔，款款主角都各有特色，加上白 T- Shirt 够晒日常易搭，值得同时入手！
unun 仲集合咗多个其他设计师及艺术家品牌，所有出售嘅商品全部属于正货而非代购商品，𠵱家香港订单仲一律免运费，各位小文青仲唔快啲去寻宝！
(产品资料以官方最新发布为准)