《本周之最》 本周之最 第一位：JOYRIDER层肌肉放松器电动按摩枪
小编定时会同大家分享每周唔同嘅至抵买产品，务求大家可以喺最抵最好嘅时机买到性价比极高嘅产品，做个精明醒目嘅消费者。
本周之最 第一位：JOYRIDER层肌肉放松器电动按摩枪
立即睇吓以下产品有几抵买！
第１位： JOYRIDER层肌肉放松器电动按摩枪 震撼价¥158起 (原价¥799起)
呢排好兴电动按摩枪！冇计啦唔方便返大陆揼骨吖嘛。所以小编拣咗JOYRIDER电动按摩枪介绍畀大家，等大家喺屋企都可以帮自己按吓摩，舒服吓！
JOYRIDER电动按摩枪有3种按摩模式可以使用，包括：专业模式﹑放松模式﹑理疗模式；20档力度可自由调节；电量可支持8小时持续使用；使用2400mAh高能锂电池。
6款专业按摩头可以替换，不同形状按摩头及其针对部位：
大球头：使用于大肌肉群
气塞头：使用于全身骨骼
叉状头：使用于脊椎部位
平扁头：使用于仕身各部位
螺旋头：用于身体各关节部位
小球头：使用于大肌肉群
喺office工作嘅你哋，久坐不动用电脑﹑滑鼠等，手脚腰背都好容易出现酸痛麻痹，返到屋企用呢枝按摩枪放松吓就啱晒。
如果系香港买的话，大约都要$900，所以𠵱家呢个优惠真系超级抵！唔好谂喇，快啲带佢返屋企慰劳一吓自己啦！𠵱家购买立即送你¥120现金优惠券！
第２位：懒人自动卷发棒旋转防烫不伤发 震撼价¥158
姊妹们有福喇！平日有冇觉得整头发真系好麻烦好晒时间？小编就用开直扁身嘅卷发棒去夹挛啲头发嘅，但每次都起码搞廿分钟，仲要喺个厕所又热又焗，真系好鬼麻烦。
𠵱家可以用两旧水都唔使去解决呢个问题喇！呢个懒人自动卷发棒绝对啱晒我哋，只需将头发分层次咁去整，将头发一束束放入去呢个卷发棒度再揿掣，只需一秒，就会自动帮你卷好束头发！
啱啱整完𠮶吓可能会唔太自然，不过只需要整好晒成把头发之前再梳番松佢哋，就可以立即自然好多喇！如果系香港坊间买个出名少少嘅自动卷发棒都要起码$1088啊！呢个二百蚊唔使，买个番去玩吓都好～
第３位：小熊家用迷你电烤箱 震撼价¥169起 原价¥269起
有冇妹猪平日都钟意整吓甜品小食咁呢，如果你系新手入门嘅话，呢个迷你焗炉就啱晒你喇！
呢个小熊家用迷你电烤箱有20升容量，大约可以放纸杯蛋糕9个﹑小蛋挞12个﹑8寸蛋糕一个，或鸡中翼15只等等。得闲整吓小食约埋三五知己一齐叹吓下午茶都几好！
焗炉可以上下管单独控制，方便焗唔同种类嘅嘢食。
分别有两个套餐可以拣：
套餐一：
1. 包括防烫手套﹑pizza盘﹑蛋白分离器﹑油刷
2. 蛋挞模具10个﹑饼干模具6个
3. 烤盘﹑烤网﹑接渣盘﹑取盘夹
套餐二：
1. 烤盘﹑烤网﹑接渣盘﹑取盘夹
细细哋买番个返屋企用都几好吖，又唔会占太大地方。𠵱家购买立即送你¥20现金优惠券！
第４位：扬子无线静音吸尘器 震撼价¥199 原价¥1999
呢个吸尘器拥有十分时尚嘅外表，拥有150W电机功率，可以减少摩擦令吸尘时噪音达致最低。成部吸尘机只有1.3KG重，超级轻便，拎住吸晒全屋嘅尘都唔会觉得攰！
选择高配款的话会有电动吸刷，香槟色机身，3个吸头(1款地面及3款配件吸头)。只要配合适当刷头，立即可以变身电动除螨仪！适合清洁毛公仔﹑沙发等地方。
旋转地刷十分灵活，上下可以90°弯曲﹑左右120°弯曲，可以轻松清理所有墙脚罅隙。软绒刷毛致密排列，可以捕捉微尘同时仲可以避免对地板造成刮划。刷头有微硬嘅红色刷条，可以帮助刮扫顽固污渍。
如果吸尘器两年内有非人为质量问题的话，可以换代修。买个Dyson闲闲都要三四千蚊啦，𠵱家买呢个国货扬子无线静音吸尘器只需¥199！实在系超级抵买，𠵱家购买立即送你¥70现金优惠券！
第５位： 小熊智能保温电热饭盒 震撼价¥159 原价¥299
相信好多上班族都有带饭返工嘅习惯，呢个小熊智能保温电热饭盒就啱晒大家喇！
小熊智能保温电热饭盒有定时功能，可以预约时间自动开启翻热𩠌菜。蒸饭﹑翻热或者保温饭𩠌都冇问题，以抽真空密封保鲜，连叮饭嘅时间都可以悭番！以智能触控屏幕控制，使用方便。饭盒内置实用稳定架，可以蒸鸡蛋同栗米等。
方形双内胆配置，份量啱啱好，啱晒啲妹猪平日可以有效地维持一定食量。而且内胆系分隔式设计，方便放唔同𩠌菜同饭，𩠌汁又唔会混埋一齐，十分细心。饭盒利用热气循环蒸熟饭菜，中间食饭都可以受热均匀，唔怕会未熟或者唔够热。
唔好以为佢咁多功能实好大个拎返工好麻烦，因为佢只系重1.36KG，就咁挽住返工都好方便。买咗怇带饭返工就可以每日都食到新鲜又健康嘅lunch喇！𠵱家购买立即送你¥40现金优惠券！
(产品资料以最新官方发布为准)