《美食敢死队 》试食六款淘宝杯面！酸辣粉 螺蛳粉 刀削面都有！
杯面真系世界上最伟大嘅发明之一！杯面嘅出现拯救咗唔少人渡过咗每一个饥饿到不要不要嘅夜晚。但系杯面食嚟食去都系𠮶几款牌子，真系开始有啲食厌喇… 所以！今日小编帮大家喺淘宝上精挑细选咗6款辣辣杯面，想知道边款最好食？快啲拉落去睇睇喇！
1. 嗨吃家酸辣粉 ¥39.9 原箱6个
嗨吃家嘅酸辣粉可以话系小编食过最正宗嘅一款速食酸辣粉。首先，嗨吃家系调味料方面已经落足心思，细细一盒杯面里面竟然有6个调味料包。除咗基本嘅调味粉包，仲有辣椒油包、秘制麻油包、醋包、花生包同蔬菜包。嗨吃家嘅辣椒油真系令小编又惊又喜，酸辣味道十足而且仲好开胃，怕辣嘅朋友记得唔好落哂成包辣油啊！不过，呢款酸辣粉嘅面同一般嘅酸辣粉稍稍唔同，佢系用较幼身嘅红薯粉丝，口感Q弹有咬口，用热水浸4-5分钟就啱啱好食得喇！
2. 今麦郎非油炸刀削宽面(香辣牛肉味) ¥5
刀削面嘅爱好者一定要试试今麦郎嘅呢款刀削宽杯面喇！小编最怕就系食又硬又厚身嘅刀削面，呢款刀削面就完全冇呢个问题，事关佢嘅卖点就系面身“中厚边薄”，入口外滑内筋，所以佢既面条质地软硬度就啱啱好，唔会太硬或太软。而且呢款刀削面都系非油炸㗎，比一般经过油炸嘅公仔面更健康，食完罪恶感都少啲啊！唯一美中不足之处就系汤底唔够辣，对于重度嗜辣嘅小编嚟讲就辣得唔够过瘾喇。
3. 食族人酸辣粉 领券价¥49.9 原价¥59.9 原箱6个
食族人酸辣粉同样都系小编私心推荐嘅一款。呢款酸辣粉嘅面条都系比较幼身似粉丝，口感软软但唔烂。小编对于粉丝真系情有独钟，如果你都钟意食粉丝又钟意食辣，呢款酸辣粉绝唔会令你失望！而且呢个杯面望落小小一个，但面嘅份量却唔少，食完真系饱腹感十足！唯一缺点系汤底比较油，唔建议大家饮汤喇。
𠵱家仲送你¥10优惠券，记得click入下面连结领取啦！
4. 食族人螺蛳粉 ¥12.9
螺蛳粉可以话系小编嘅挚爱，不过螺蛳粉嘅味道就未必个个人都接受到。皆因螺蛳粉中嘅酸荀系散发著一种独特嘅味道，未食过嘅朋友可能会闻唔惯，但当你尝试咗一啖就会默默爱上！而杯面装嘅螺蛳粉小编都系第一次食咋，食族人螺蛳粉嘅配料都畀得十分足，附有满满一大包嘅酸荀同酸豆角。味道方面当然比正宗嘅螺蛳粉稍为逊色，但胜在方便快捷，比起要煮起码10-15分钟嘅袋装螺蛳粉，呢款杯面装只需要用热水浸5-6分钟就食得！未试过螺蛳粉嘅朋友们不妨入手一个试试喇！
食族人嘅呢款杯面最值得一赞嘅地方就系佢嘅汤底！加入热水后，一打开盖就即刻闻到扑鼻而来嘅牛肉面味，简直系牛味冲天！而且，食族人喺配料方面都同样落足心思，呢款牛肉面嘅蔬菜包里面真系有牛肉粒㗎，仲有香菇、辣椒、芫莤，用热水泡开之后，卖相真系好丰富。而面条质地就系细细软软，食落口嘅口感比较似拉面。
6. 康师傅 干拌酸菜牛肉面 ¥38.9 8碗装
康师传呢个牌子相信大家都唔陌生，甚至可能好多人都食过佢嘅汤面，但系康师傅嘅干拌面你地又试过未呢？今次试嘅就系酸菜牛肉干拌面，拌好之后香气十足，令人忍唔住想快啲试一啖。可惜味道偏咸偏重，食咗几啖已经想饮水，感觉汤面版嘅康师传比较出色。
小编提提你：以上六款杯面全部都喺天猫超市有得买㗎！𠵱家喺天猫超市买满¥249即享免运费，仲可以直送香港不收上门附加费，大家快啲Click入天猫超市拣下仲有咩心水货品喇～
(产品资料以官方最新发布为准)
(文章纯属作者个人意见，不代表香港01立场。)