《美食敢死队》拯救减肥中的吃货！试食4款人气低脂低卡路里零食
喺减肥嘅道路上，零食简直就系我地最大嘅敌人！明明减紧肥，但又忍唔住想食零食点算好？为咗拯救每一个减紧肥嘅吃货，今日特派试食专员再次出动，为大家试食低脂、低卡路嘅零食。想知道有咩零食适合减肥人士？即刻Click入上面嘅直播影片睇睇啦！
1. 薄荷健康 即食香辣味鸡胸肉肠 领券价¥27
鱼肉肠零食平时就见得多，鸡胸肉肠零食你地又食过未呢？众所周之，鸡胸肉高蛋白质、低脂肪，唔少减肥食谱都会见到鸡胸肉嘅纵影。薄荷健康出品嘅即食香辣味鸡胸肉肠，一如既往含有满满优质蛋白质，每食一条鸡胸肉肠就轻松补充咗相等于约2个蛋白嘅蛋白质啊！而且，每一条鸡胸肉肠都只有0.625g脂肪，食多几条都唔会有罪恶感。鸡胸肉肠仲不含淀粉、人工甜味剂、味精，口感烟韧，不过由于无添加味精，味道食落会比较清淡，香辣味亦不太突出。每根鸡胸肉肠仲系独立包装㗎，细细包方便袋落手袋，口痕时食一小包过过口瘾，简直系一流啊！
2. 薄荷健康 即食鸡肉丸 领券价¥40 (3大包)
除咗即食鸡胸肉肠之外，薄荷健康仲出品咗另一款鸡肉零食－鸡肉丸。呢款鸡肉丸同样高蛋白质、低脂肪，每一小袋嘅鸡肉丸仅仅只有22卡路里及0.55g脂肪！连内地女星沈月都曾经喺节目上大方推荐过呢款零食系佢减肥期间会食嘅小零食。
呢款鸡肉丸嘅鸡肉香味鸡肉肠较重，一打开包装袋已经闻到阵阵香味。肉丸里面加咗马蹄粒，食落脆脆地，口感更加丰富。另外仲有买家建议可以先用微波炉加热，大家不妨都试吓系咪叮热食更滋味呢！
3. 良呈美 即食魔芋凉皮 领券价 ¥33.8(3盒)
如果你追求嘅系既饱肚又唔会肥嘅小食，魔芋凉皮绝对系好好嘅选择。首先，魔芋基本上系零热量、零卡路里嘅食物，而一盒即食魔芋凉皮只有78卡路里，热量亦只系相等于一个苹果咋！其次，魔芋天生富含葡甘聚糖，遇水膨胀，仲含有丰富膳食纤维，食一盒就可以填饱肚肚啦，仲可以饱足几个钟𠻹。更重要系，良呈美魔芋凉皮可以一路减肥一路满足你地挑剔嘅味蕾，皆因佢系有三种口味，分别系香辣味、麻辣味、麻酱味！试食专员今次就试咗香辣味同麻酱味，凉皮嘅口感QQ弹弹，非常有咬口。而且每盒凉皮内附嘅调味料份量都好充足，味道浓郁，终于唔使再食得咁清淡啦！吃货们快啲入手啦！
4. 薄荷健康 零卡蒟蒻果冻水蜜桃味 领券价¥31
最后一款零食同样都系由薄荷健康出品㗎，呢款蒟蒻果冻包装颜值极高，一盒入面有12个小果冻。一拉开包装盒就已经闻到好香甜嘅水蜜桃味，令人忍唔住即刻好想试！不过食落口之后就令人有啲失望，皆因果冻闻落去好重水蜜桃味，但当食落口就实在冇咩味道。不过就胜在零卡路里、零脂肪、零添加糖，完全零负担，超级适合减紧肥嘅朋友们！
(产品资料以官方最新发布为准)
(文章纯属作者个人意见，不代表香港01立场。)