两大小红书人气化妆品牌 Perfect Diary + Hold Live 开箱
最近喺小红书有几个国货化妆品牌都好hit！听到国货可能大家都会却步(包括小编自己)。。。但系好奇心驱使下，小编就抱住冒险精神，姑且试试嘅心态，买咗几件化妆品返嚟，同大家做个开箱！
小编今日要讲嘅牌子包括Perfect Diary 同 Hold Live。首先讲讲Perfect Diary，小编买咗佢哋嘅气垫粉底同唇彩～
完美日记Perfect Diary 牛奶肌气垫BB霜 ¥89.9
呢个气垫BB霜来头不少，事关大陆网红李佳琦都推荐佢，令到佢火速喺小红书爆红～
分咗冷色调同暖色调，total 5个颜色，包括P00﹑P01﹑B00﹑B01﹑B02。当中P系代表冷色调，B系暖色调。佢嘅价钱超级亲民，呢个价钱已经包埋一个替换芯，可以有排用！佢嘅遮瑕力好够，就算系用眼线笔写咗字都可以完全cover到。但保湿程度就相对较低，因为比较难推开。比个简单嘅评分大家：
性价比：★★☆☆☆
保湿度：★★☆☆☆
遮瑕度：★★★★☆
持久度：★★☆☆☆
完美日记Perfect Diary哑光唇釉 ¥39.8
小编今次试咗两只色号，#901同#927。显色度好高，特别要讲讲佢个扫型状系好啱嘴型，好易推开，唔怕搽出界。但雾面嘅唇釉自然会比较干，所以小编提你哋搽之前最好做个唇部打底先！呢个唇釉都几long-lasting，食完嘢之后都唔会甩晒色！小编独爱#901号色，呢种豆沙奶茶色完全是我的菜～
介绍完Perfect Diary嘅产品，就讲吓另一个牌子Hold Live啦，一样都系小红书人气化妆品牌～ 小编买咗佢哋嘅唇膏套装礼盒，一共5枝。
Hold Live魔方幻境哑光唇膏套装礼盒 领券价¥72
佢闪令令嘅包装十分吸引，而且一个跳楼价买到晒5只颜色嘅唇膏，真系唔买对唔住自己。呢款唇膏一样都系哑光雾面，但感觉佢比起Perfect Diary嘅唇釉更滋润，显唇纹嘅问题较小。讲多无谓，都系睇试色图最实际～ 大家估唔估到小编最爱边只色呢？无错就系#303，因为都系豆沙色嘅感觉，再橙橙哋偏枫叶色，好靓！
小编已经舍命同大家试咗国货化妆品喇，证实咗国货唇膏性价比都几高！咁抵嘅价钱，买一两盒返去试吓都无妨，反正一百几十尤如垃圾。低价草多几只颜色，妹猪们就可以每日都用唔同色嘅唇膏返工返学喇！大家不妨试吓吖～
(产品资料以官方最新发布为准)