亲子静态活动精选 一个拼图 训练孩子想象力+专注力+逻辑力
小朋友放暑假，除咗带佢哋去户外跑跑跳跳锻练强健体魄之外，对于刺激智力成长嘅头脑训练当然亦都唔少得。传统嘅棋类、劳作仔当然可以，不过就闷少少啰。近年多咗好多玩具都可以达到同样嘅目的。今次就同大家介绍小编喺网上揾到嘅两款非一般嘅砌图，非常适合各位家长同小朋友一齐玩，增进亲子关系嘅同时，仲可以令小朋友动动脑筋，促进智力成长，可谓一举两得！
1. MiDeer弥鹿儿童益智大块拼图（原价¥90 现特价¥45 再扣券后¥35）
哩款砌图可谓做得非常精致，特别以手绘画风画成，小朋友想照住自己画番出嚟都唔喺难事。砌图嘅块数唔多，特别适合年幼嘅幼童玩，卖家话低至2岁嘅幼童都啱玩添。砌图嘅题材都非常丰富，有不同动物嘅妈妈同BB、交通工具、昆虫、数字，同埋小编本人最推荐嘅童话故事。
佢嘅拼图全部都冇多余嘅边框，家长可以同小朋友一齐砌，砌完就用嚟做道具讲番个童话故事俾小朋友听。小朋友有故事听就聚精会神，小编试过咁就同两岁囡囡玩咗几个下昼。小编试过喺香港揾到类似嘅产品，有番差啱多质素嘅喺百货公司卖紧$128，宜家扣埋券后只需要¥35，计埋运费都唔驶$50港币，抵到烂！
2. MiDeer弥鹿儿童磁力拼图（原价¥148 现特价¥74 再扣券后¥64）
比较前面，哩款就适合年纪比较大嘅小朋友玩，卖家话系大概4-6岁，但小编就觉得细个少少嘅小朋友，一样可以玩得咁开心。首先，佢有一块用磁贴造嘅背景板，唔同主题就印住唔同嘅场景，例如有更衣室、化妆台、马路等等。再嚟，盒入面有好多同主题相关嘅磁贴，可以俾小朋友随意黐上去，发挥佢哋嘅想象力同创意。家长亦都可以带领小朋友喺上面演一套剧，亲子互动性一流，仲可以训练佢哋嘅逻辑力。
虽然有啲电脑软件都提供类似玩法，但有唔少研究都指出，小朋友细个接触越多电子产品，专注力同视力都会变差。相反，哩款砌图有助研练专注力，多运用触觉更有助小朋友大脑发展，可谓益处多多！价钱方面，由于小编喺香港揾唔到有类似产品无从比较，不过以¥64一盒已足够小编6岁大女玩足一个月都唔厌，性价比十分高！
(产品资料以最新官方发布为准)
(文章纯属作者个人意见，不代表香港01立场。)