警西湾河捉乱过马路　综援翁打斜过路被罚：边有$2千？无钱坐监啰

警方为打击巿民乱过马路，本周在全港多处执法，并在港岛筲箕湾道与太安街交界派出便衣警员，截停乱过马路的巿民，一小时内最少有10人被截，大部份是长者和外佣，其中一名领综援的老翁，因为打斜过马路被罚，他表示不知道不可以打斜过：“老人家唔知嘛！”扬言无钱交罚款，只好坐监。

今日上午9时至10时，警方交通部在筲箕湾道与太安街交界处执法，截停违例过马路的巿民，包括冲红公仔、打斜过马路、绿灯闪亮时过马路等，登记违规者资料后会发传票。记者在场采访，一小时内目测最少有10人被截，大部份是长者和外佣。

吴伯因为打斜过马路被捉罚款，他无奈说：“我都唔知，知我就唔会打斜啦！老人家唔知嘛！睇到绿灯就打斜过嚟，我唔识呀！”又指没有钱交罚款：“无钱呀！无钱咪坐监啰！边度攞2000蚊呀？唔使食饭呀！一个月3千几，攞综缓。原谅老人家嘛！老人家唔识嘛！ 如果识我唔打斜过嚟。”

另一位90岁老翁在绿灯闪动时过马路被捉，他表示无辜：“斑马线过嚟，我梗系唔知（绿灯闪不可以过）啦！夹硬嚟无计呀！佢（警员）要交差。我系退休公务员嚟㗎，食紧长粮，你咁样嚟搞我，你话军装就唔同，你咁嚟罚我几千蚊！”

黄伯则被指冲红灯：“未过得晒（安全岛），谂住行埋佢。（罚款）负担梗系大啦！罚几多都无办法，第二度悭啲啰！”他解释称因为脚患行动慢：“我都唔系行得好稳阵，只脚换咗骹，谂住行埋佢，佢话要拉。”不过他认为阻吓性不大：“你睇啲人都系咁过啫。”