【大埔人】20年东江鸡酒家结业　老街坊不舍：冇咗个地标

大埔墟的大明里广场，商店、食肆林立，是区内居民主要的购物消闲地点。这里有家屹立逾20年的客家菜——大埔东江鸡酒家，主打售卖招牌秘制盐焗鸡，午市亦有价钱相宜的双𩠌饭，素来受区内街坊欢迎。这家老店外摆放著告示，将于2月28日结业，之后仍可光顾分别位于大埔广场和大围美林商场，才可吃到招牌盐焗鸡，然而不少街坊钟情这家总店。老店感谢街坊一直的支持，告示还附上杨慎《临江仙》，以诗词寄意。“古今多少事，都付笑谈中。”这家食店对老街坊来说，是饭堂，也是他们的集体回忆。摄影：颜宁

靓太：碟头饭大碟又抵食

街坊“靓太”和陈太这天在附近上完培训班，就来了大埔东江鸡酒家吃饭，点了49元的招牌盐焗鸡饭。

靓太：我哋成日嚟食，贪佢饮茶唔使茶钱，仲包例汤，碟头饭又大碟。都几大碟，三个人叫两碟就最好。都帮衬咗10几年。

记者：𠵱度啲嘢食有咩特别？

靓太：啲鸡种系靓嘅，因为啲鸡胸都唔嚡。最唔舍得啲碟头咁大，价钱又中肯。

张小姐：地标消失

这天，张小姐来东江鸡买外卖芝麻糊。

张小姐：𠵱度已经好多年，好出名。好多时过时过节就排长龙，又无得订位。要结业都会觉得可惜，始终𠵱度系𠵱条街嘅地标。系边啊？就会话喺东江鸡隔篱啰！就算有大围、大埔广场（分店）都系争啲，因为啲人落车通常就会嚟𠵱度。

司徒小姐：面目全非

司徒小姐：都有少少唔舍得。因为香港都要变迁，好多嘢都好难留住，会婉惜一间有一间酒楼就无咗。同埋啲嘢食，唔算特别平，但系抵食，因为真系好食，价钱系公道。新食店都好难做到啲咁嘅价钱。旧墟得返10间8间老店，其他都转晒手、执晒，都会有啲面目全非。无办法，讲好听啲咪社会进步，新装修就会有啲新嘢出现。

客家人：有时会特登嚟买外卖

居于粉岭的朱先生是客家人，曾有段时间在大埔工作，偶尔会特地来大埔东江鸡酒家吃饭，或买外卖。

朱先生：因为住粉岭冇𠵱啲东江鸡、客家菜食，想揾返𠵱啲嘢食。会食梅菜扣肉，同埋咸鸡（即盐焗鸡）。啲嘢食平民化，价钱相宜，有时都会特登买外卖返粉岭食。