【街坊Look】91岁的鬼灵精

香港，急速、竞争、个体化。
生活在这里，我们每日与多少人擦身而过，与多少故事失诸交臂。
我们相信，每个人都是独特的。
七百万人，有七百万个不同的故事。
01社区，娓娓道来，一抹瞬间，一个故事。

“咩话？你讲咩话？哎呀，点解个助听器开唔到嘅，头先睇医生𠮶阵仲开到㗎，可能无晒电。唉，老啦，听唔到，肚痛，头晕，脚痛，头先睇唐医（中医），开咗4日药畀我。”

将军澳，有人认为是沉闷的社区，细心聆听街坊的生活，其实也各自各精采。游走在硕果仅存的街道上，寻回久违的人气。

三妹已经91岁了。她很喜欢聊天。

“戴咗助听器几个月啦，听唔到人讲嘢，好闷。多谢你哋同我倾计。”

三妹的兴趣是执垃圾。

“平时朝头早去公园做吓运动，得闲喺垃圾桶执汽水罐啰，两个卖到一毫子，十个卖到五毫子。无世艺，手痕，当郁动下，唔郁仲蒙呀！我同个女同孙仔一齐住，畀佢见到我执垃圾，闹鬼我㗎。”

三妹很爱笑。

“嘻嘻，你讲咩话？听唔到，近一点！我精灵？九十几岁啦仲精灵？你真系识讲嘢。”

三妹是女中豪杰。

“三妹，不如我扶你过马路？”“唔使，我自己过。”

戴住形似音乐耳机的助听器、手执著汽水铝罐，三妹慢慢地、一拐一拐地，独自，走远了。