南丫海难十年｜难属梁淑玲耗两年寻证据求开死因庭︰我想知道真相
“结果系去到凌晨…就知道…就知道唔使去医院喇…去葵芳（涌）殓房等就得㗎喇…”本来字字铿锵的梁淑玲，忆起十年前从电视新闻看到至爱胞弟遇难的消息，女强人的铁甲亦被泪水洗走。十年前的国庆夜，刚入职港灯、负责在公司烟花活动接待宾客的弟弟梁家杰，命丧大海。其姐梁淑玲苦候警方、政府的调查8年，一直得不到结果，两年前法庭更决定不召开死因庭，情况有如迫入绝路。
十年来强装硬朗，梁淑玲说，对弟弟的思念是推动她坚持多年的动力，支撑她的是亡弟未完成的使命：“佢奉献咗自己嘅一生…...喺呢件事上面，咁呢件事究竟揭露咗啲乜嘢呢？我希望可以帮佢知道真相。”在争取接近真相之路愈走愈前，她深信，即使换转角色，其弟亦会为她争取到底，这是天人永隔，亦斩不断的姊弟情。
追寻真相的路未竟，梁淑玲苦叹，一路走来十分艰巨，受尽网上网下的冷言冷语，不少难属尚未得到结果，便已仙游。她耗尽两年时间，研究政府的死因调查报告，找出新疑点，有理据入禀高等法院，申请召开死因庭，结果将于10月31日揭盅。她在弟弟坟前说：“10月31号希望我可以再嚟话你听个结果！”
我觉得我想知道真相，只系一个好卑微嘅要求啫…...
【南丫海难十周年系列之三】
“咁着数嘅嘢，点解唔叫埋我哋啊？佢就话：‘下年会㗎喇，今年做咗个接待嘅动作先啦咁样。’”大学毕业，刚入职港灯任管理培训生（Management Trainee/ MT）的梁家杰，锦绣前程才刚展开，他在10年前的10月1日早上，向胞姐梁淑玲承诺，明年会带家人上船欣赏国庆烟花汇演。
承诺未及兑现，当晚电视新闻便播出“南丫四号”撞船消息，梁淑玲说︰“𠮶一刻都唔系好相信，亦都估唔到系啲咁大件事…...”惟弟弟及港灯的电话已无法接通，她当刻想尽一切理由，去排除弟弟可能已遇难的消息。但始终要理性面对，当晚她即与家人逐间医院拍门、打电话，又到现场等候，期望弟弟被营救的一幕，但一直等，仍未传来好消息。
梁淑玲等不到的，不止是其弟生还的消息，更是似远还近的海难真相。
我哋第一时间就去咗每一间医院去拍门、打电话…去问有冇呢个伤者，继而…...都去...…现场。现场其实我知道佢哋不停营救，我哋都好期望每一只上嚟嘅担架都系佢，但系我都一直都睇唔到，咁所以…再继续去唔同医院去拍门。结果系去到凌晨…就知道…就知道唔使去医院喇…去葵芳（涌）殓房等就得㗎喇…
南丫海难十周年系列报道︰
为弟弟完成未完的使命，是梁淑玲过去十年，走上寻找真相之路的动力，但这条路却一次又一次遇阻碍。对上一次希望幻灭，是两年前，法庭裁定不召开死因聆讯，罕有地直接裁定39名遇难者是“非法被杀”。被迫入绝路的梁淑玲，深感沮丧，走到弟弟坟前倾诉。在她的脑海里，已走到天国的弟弟，不曾离去。
我每次去我都有话畀佢听我哋嘅情况，即系每次我话畀佢听：‘八年喇…我哋得到一个咁嘅…就话唔开死因庭…’咁我𠮶阵时知道，我本身好徬徨，唔知道可以做啲乜嘢…到原来我可以去上高院，或者我可以去攞份（警方死因调查）报告，我又会去话畀佢听：。‘喂！我可以去攞份报告喇。’我又会话畀佢听，到研究完之后，发觉原来我唔识睇㖞…‘喂！细佬，我唔识睇啊！’
来回地狱又折返人间，曙光再现，但到底警方的死因调查报告，找多到少真相？梁淑玲耗尽两年时间，从2,000页的警方海难调查报告中，抽丝剥茧找出疑点。虽然无法解答疑团，但几经辛苦，至少找到新的疑点、新的证据。
八年𠮶一下，佢话唔开死因庭，我以为冇路行…...咁后尾佢就话，唔系㗎，如果你想知道真相，你可以去睇𠮶2,000页纸。个心理关口系克服咗好耐、好耐、好耐、好耐，先至可睇哂𠮶2,000页纸，因为你唔系就咁睇，你要理解，可能你仲要走去问，究竟𠮶个terms（专有名词）系咩意思啊？𠮶只船嘅呢个名词系咩意思啊？你仲要去研究！
相隔两年，梁与其他两个海难家属家庭，在今年6月入禀高等法院，要求召开死因庭，希望有机会将不愿作供的人带到证人栏，由家属亲自盘问，亲自为弟弟走完这一条寻求真相之路，“等咗十年！都未得！𠵱家去到个门口，希望佢畀条锁匙我啦。”
我冇信心砌100%…已经十年喇，有好多人死嘅死、伤嘅伤，可能甚至系已经移咗民…...唔系𠮶个岗位，佢究竟会唔会可以噏到出嚟，个拼图……𠮶一格拼图系咪真系已经miss咗呢？冇人知。咁但系我希望嘅就系，多啲拼图可以揾到出嚟，咁你𠮶个真相先可以砌到完满！
部份年迈的难属已仙游
她形容这十年，每一里路都荆棘满途，十分艰巨，但寻找真相之路，走了十年，未竟全功，但并肩的愈来愈少，甚至有年迈的难属未等到真相已经仙游。她由寂寂无名的小市民，成为入禀的发起人，现时仍只能见步行步。
梁︰我哋每日都生活紧落去 但系我哋唔会忘记呢件事
事隔10年，梁淑玲仍无法释怀，每天对家人的安全提心吊胆：“好怕再发生任何嘅唔愉快事件喺屋企人身上，反而调返转，自己我反而唔系好惊…系担心屋企人身上，我唔想再经历呢啲嘢。”
难属每天在苦痛中挣扎，但外界的冷言冷语却愈来愈多，更曾有立法会议员公开劝说家属“move on（释怀）”，但梁淑玲对这些说话更耿耿于怀：“我哋其实系好想move on，但系…Sorry，应该咁话，其实我哋每日都生活紧落去，但系我哋唔会忘记呢件事，尤其是佢哋…..政府同警方work on呢件事8年，8年之后系咪应该会有一个完满少少嘅结局呢？我相信系一个…...除咗对39条人命嘅交代、对家属嘅交代，其实应该系对市民嘅交代。”
冇人会比家属更了解…...更知道我哋嘅心情系…...点解咁想知道个真相。因为你嘅至爱系…...冇咗…...其实一个大好青年，可能佢冇咗好多年嘅时间，佢冇咗好多…...佢咗佢嘅一生，对于家属嚟讲系一个…永远磨灭唔到嘅损失，所以其实我哋好想知原因！
能否召开死因聆讯，有待10月31日揭盅。梁淑玲不敢抱太大期望，但即使寻找真相之路，再一次被截断，她扬言会继续坚持：“如果到最后，得返我自己一个人，我都会行落去，因为𠵱家我系为紧我细佬去出力，我想佢知道我系唔会放弃！”
嚟紧我都会话畀佢听，10月31号希望我可以再嚟话你听个结果啦。
梁淑玲︰我唔想喊 我唔想卖惨
梁淑玲说起话来字字铿锵，形象硬朗。10年后，访问安排在梁淑玲亡弟当年登船的中环十号公众码头，忆起弟弟遇难的画面、躺在冷冰冰殓房内的遗体，再次陷进痛不欲生的漩涡。访问初时她仍强忍泪水，但继续说下去，已忍不住泪崩。
面对失去至亲的伤痛，梁淑玲怪罪起自己：“我唔想喊啊！我唔想卖惨！”就海难入禀高等法院，要求召开死因庭后，梁淑玲一直谨言慎行，忧虑一字一句，影响法庭召开死因庭的决定。