【港人菲国制毒案】父亲哥哥犯案系狱　被囚港人女儿孤寡过年

港人菲国制毒案发生至今已近半年，四名港人家属多月来为事件奔波劳碌，希望家人可以尽快获释回家，然而曙光未露，却又传出四人将要转移重犯监狱的消息，明日将踏入新年，四人家属团圆无期。其中一人梁树福的17岁女儿琳琳半年来失去爸爸的依靠，面对将要应考文凭试亦感到吃力，“有时会谂如果佢喺度，会唔会咁难挨咁大压力”，即将踏入新一年，女儿未怕遥遥长路多斜，只愿能倚于爸爸的肩膊。

受访时琳琳正替姨母的饰品店看守，即使为著父亲案件及将要应考中六文凭试而吃力，17岁女生仍然坚强过活。父母多年前离异后，琳琳一直与母亲同住，但她与爸爸的感情却十分要好：“唔够钱用会揾爸爸、同妈妈哥哥争执会揾爸爸，每逢有困难爸爸都一定帮我解决。爸爸都好锡我，教我好多做人道理，如果无佢我唔会有依家咁生性，所以由佢出事到依家我都唔相信佢会犯呢啲事”。

从前不节俭　现半工读赚补习费

父亲被囚近半年，琳琳顿失依靠，“呢半年好难挨，每当一个人静落嚟就会谂起佢，读书压力想同佢倾，佢又唔系度，有时会谂如果佢喺度，DSE会唔会咁难挨咁大压力”。琳琳称自己以前不太节俭，但爸爸出事后，她于假期会做兼职赚取补习费，“以前会问爸爸攞钱，依家自己会揾外快，希望自己赚番自己啲生活费”。

父亲哥哥俱分离　一人出席年夜饭

琳琳22岁的哥哥于去年4月因携带咳药水而被安排到石鼓洲康复院接受辅导，未几爸爸又被卷入菲国毒品案，归家无期，“哥哥唔生性，以往爸爸定时去探佢，但依家就无咗，哥哥都好唔开心”。琳琳说，过往新年时3人都会齐齐整整，到嫲嫲家吃团年饭，然而今晚年三十的团年饭，只剩琳琳一人出席，孤独过年。琳琳指犹幸有大伯及姑母们协助爸爸，她唯一的新年愿望，是希望爸爸能早日平安归来，“希望以后有咩难关都可以有佢系身边，就算今年唔可以一齐庆祝新年，都希望佢喺𠮶边身体健康”。

菲国一直拖延　堂费如无底深潭

另一名被捕港人卢荣辉的大哥，同样为弟弟的官非感到忧心，又指现时不知道如何寻求协助，感到束手无策。他指弟弟与前妻育有一个13岁女儿，其女儿亦因父亲的案件而情绪低落，刚刚与她们吃完团年饭，“年年都一齐食饭，咁一家人梗系要安慰佢哋（卢妻女），点估到今年会少咗个细佬喺身边”。

“当年英国政府做到嘅嘢，无理由中国政府做唔到。”

卢先生又指菲国一直拖延案件，令家属十分焦急，“突然话要调监狱，审讯又一直拖，又话证人唔到，又话证物未得，依家已经畀左十几万律师费，但咩进展都无，好似无底深潭咁”，卢又提到于1991年一名港人领队区永祥及另一名港人，于菲被指贩毒遭判终身监禁一事，当时立法局议员和时任港督彭定康出手襄助，结果区永祥两人于1996年获释放回港，“当年英国政府做到嘅嘢，无理由中国政府做唔到，希望佢哋关注吓”。