疫境求存｜杜燊棠入行逾40年见证兴衰：97前的士司机系天之骄子

踏入2020年，香港各行各业面对史无前例的逆境，面对病毒侵袭的无力感，升斗市民只能挣扎求存。
的士界老行尊杜燊棠在行内打滚多年，见证行业兴衰，“的士司机97年前系天之骄子、好揾得到食，开车可以打麻雀、输咗再开工。”
转眼间40多年过去，港铁线网络不断伸延、Uber兴起，他慨叹现时从事的士司机已大不如前：“𠵱家差好远啦，无尊严、比较难揾食，唯一好处仍然系自由度大，如果唔钟意呢个老细、觉得车租贵，可以随时揾过个。”
（疫境求存系列报道之七）

棠哥：揸的士可以养成头家

人称“棠哥”的杜燊棠今年年届70岁，从事的士司机40多年，“最初出嚟社会系跟阿爸揾食、做制衣，后尾制衣业衰落，30几岁就转咗做的士司机。”众多行业中为何选择从事的士司机？杜燊棠忆起，“以前揸的士好易揾到食，每月收入大概600至700蚊（价值相当于现时每月两万至三万多），其他工普遍只有200至300蚊，𠮶时楼价都系几万蚊，做的士司机真系可以养到成头家，所以被人称为‘天之骄子’，个个都争住做。”

因著收入高、自由度大，每人都希望分一杯羹。杜燊棠成功考获的士牌后，便购买人生第一辆的士成为车主，“𠮶时好多人做的士司机，要揾到部车揸好难，我唔识人所以就买左部自己揸啰，当时一架20几万，好记得要月供4957蚊、供足7年都好辛苦、每个月都要贴钱供。”

打输麻雀再开工

他续指，“最初的士司机系雇佣制度，车主要俾司机底薪24蚊，过咗60蚊就会四六分帐，车主四、司机六。但单头车主好辛苦，的士司机话唔揸就唔揸，揾唔到人自己1星期揸足7日特更（由早上7时至晚上11时）都要揸。”肩负养家重担压力虽然不轻，但他说起仍然表现雀跃，“𠮶时都几开心，开开吓车摆埋一边去打麻雀、输咗再开工。”

从事逾8年全职的士司机，眼见现实有多种不公义现象，例如警方“选择性”抄牌常有发生，杜燊棠遂加入工会为同业发声，其余时间则担任日更司机，一星期工作约3至5日帮补收入。

现今的士服务质素为人诟病，拒载、的士不过海情况屡见不鲜。杜燊棠解释，日更司机交更时间为下午3时半至5时半，倘在此时段在九龙接到客人需过海至港岛，“回程经红隧一定塞车，到时交更一定迟到比人闹。”他举例，“好几次系荃湾接咗𠮶客，佢要过海但一定会塞车，我唯有问，可唔可以车佢去专过海嘅的士；又试过唔收车钱个客去附近港铁站俾佢转车。”

他慨叹司机亦有其难处，“如果迟咗交更，迟半个钟可能要俾返几十蚊夜更，又试过𠮶个夜更司机发脾气讲‘你做埋我个更佢啦’就走左。”他对此感到十分无奈。

揸夜更遇鬼怪事　此后不再晚上开车

40多年的士司机生涯，杜燊棠亦曾遇过令他“惊心动魄”的鬼怪事，“我一入行揸夜更，有次去沙田用大灯扫埋去，以为有个女人坐系到，即刻落客返转头，点知见脚唔见人，后尾人都唔见埋，成个人标晒汗真系好惊；又有次个客上左车话要去石硖尾，拧转头望左望右，都无人就继续向前，点知无啦啦有把声问：‘你车我去边啊？’吓到我标晒汗，点知原来个客系驼背。”

他续分享，“有次去清水湾道游水，泊埋架车系一边，点知见到架车突然被开走，立即冲上前，原本见到有两个人，行到去唔见咗、但架车郁咗。”记者反问，是否没有放下手掣煞车？他随即回应，“你都可以咁讲，但架车系向上行！”他笑言从此以后：“无咩事都唔会再揸夜更，有人叫我揸夜更我会话，晚上睇唔到嘢揸唔到车啊！”

杜燊棠回顾多年点滴，“做咗40几年，𠵱家都70岁啦，过多两年都退休啦！但起码都为业界做左啲野，又争取咗啲野，都叫做无悔啦！”

▼第二轮防疫抗疫基金　多项措施▼