被捕中学生比例升　李桂华︰对细路因嬲怒犯法感唔开心

反修例示威浪潮持续，警方早前指，留意到2902名学生被捕，占总被捕人数的40.6%，其中在9月开学后，被捕学生人数及比例均有上升趋势，而当中中学生占总学生被捕人数，比例亦由以开学前的27.6%，开学后提升至41.7%，即由77人增加至1093人。有组织罪案及三合会调查科高级警司李桂华接受访问指，有关现象令人忧虑，他亦罕有提及个人感受，指以前拘捕到坏人“会开心”，但眼见太多中学生被捕，自己了解过被捕年轻人的心态，指普通细路因为“嬲怒”干犯严重罪行，“我系觉得好唔开心。”

据警方数字，反修例事件衍生的被捕人数，去年6月至今年1月19日，共拘捕7143人，包括5327男、1816女，年龄介乎11至84岁，主要罪行包括非法集结、暴动、管有攻击性等。有组织罪案及三合会调查科总督察周学贤表示，学生被捕人数及比例有上升趋势，有2902人，占总被捕人数的40.6%。

而开学前即6月至8月被捕学生有279人，占当时整体被捕人数1110人的25.1%；由9月开学后至今，学生被捕人数有2623人，占同期整体被捕人数43.5%。当中，中学生占总学生被捕人数，比例亦由以开学前的27.6%，开学后提升至41.7%，即由77人增加至1093人。

李：点解咁细嘅年纪会踏上咁嘅路呢？

有组织罪案及三合会调查科高级警司李桂华指，暑假后明显多了中学生被捕。对于这个现象，李桂华罕有提个人感受，指“以往去拉人会好开心，拉一个坏人呢，会觉得呢个社会平静啲啊、好啲。但最近拉咁多人时候，太多年轻人，尤其是依家系啲中学生。唉！都觉得…点解佢哋要去犯法呢？我哋警察净系睇evidence（证据），同佢哋倾完之后，更加觉得唔开心，因为点解呢？佢根本系一个普通细路嚟嘅，he is a kid，但问题最大系，佢真系犯咗法，有啲仲系好严重、好严重。有啲震憾，点解咁细嘅年纪会踏上咁嘅路呢？”

他续指，年轻人某程度而言是有创造力，他举例指，将一堆零件砌一枝枪，想到办法从互联网购入，“一方面都系好有talent（聪明）。又系嘞，点解会摆咗喺犯法而又咁严重嘅法入面呢？对于执法者嚟讲、对香港人嚟讲、对成年人嚟讲，为咗佢哋，我系觉得好唔开心。”被问到有无了解过为何年轻人作出这样选择，他指，“好多时候，佢哋好多时都会话好嬲。”他指“点解会踏上呢个阶段，就系为咗一个嬲怒，而唔去用第二啲办法去疏通？变咗成咁犯咁严重嘅法例？令人好可惜。”

李：年轻人误解警察工作

他认为，年轻人“似乎对警察工作好误解。”称曾有年轻被捕人“问‘点解唔私暴我啊’？”被问到有无解释“警暴”问题，他指有人信他，但不会帮警察同其他人解释，“佢哋嘅选择啦，点解唔出去讲返，我又唔知啦。”他指，作为调查员，尤其年纪比较大的刑侦人员都会同他们倾谈，“究竟有几多个系相信，还是有几多个会觉得系，呢啲系比较好人嘅啫，有啲唔系咁嘅，不得而知。但系我觉得，我哋警队都有好多人系做紧呢样嘢。”

但一直有不少被捕人士及律师指控在羁留期间被拖延见律师、家人等，李桂华对此回应指，警方在羁留被捕人士期间，有责任照顾他们的基本权利，指他们可以自由联络律师，亦会提供律师名册，属既定程序。“咁你话有无有阵时有啲delay（延迟）、慢咗，因为拉嘅人比较多，可能真系要排队。”他又指“有啲人惊见唔到律师，拎唔到一啲法律意见。”他指以其经验之谈，“见唔见律师都系一样。”又指他们都有坊间自制的“懒人包”理解自己的权利，强调警方“唔会为咗方便调查，而唔畀佢去见律师，我哋无咁嘅企图。”

无滥捕   经过调查无案就会释放

李桂华亦否认警方被指“滥捕”的问题，指拘捕行动是“基于有合理相信有干犯罪行”，如之前有非法集结活动，被捕者是由马路中心被驱赶，“系已经系一个合理怀疑，喺其他地方系咪出现过啊，有无啲录像见过佢啊？会再去睇，我又唔觉得系滥捕。”元旦大游行当晚警方于在铜锣湾“大围捕”，“你话有无机会喺sogo买嘢出嚟啊，调查嘅时候，佢要相信，我哋会睇嘅。”指经过调查无案就会释放。周学贤指，该次围捕中无拘捕所有被截停人士，有部分经在场调查后放行。

不过不少人质疑警方的“合理怀疑”只是基于主观感觉，李桂华回应指，“合理怀疑真系要合理，例如你喺一个示威环境入面，当时做咗某啲动作，如掟紧嘢，呢个系证据嘅一部分啦。其实喺其他案件一样有，如有人嗌抢嘢，突然之间见到有个人跑，有个差人又跟住跑，拉跑𠮶个，呢个都算系合理怀疑…但系当然系咪到头会落案呢？再会去睇睇证据质素点样。咩叫滥捕呢？就系话，喂，呢堆全部拉哂佢啦，你又唔知佢做咩事，呢啲就系滥捕。”