【菲狱风云】坐监都要交水电费 　每月给仓友保护费

电影版的监狱风云，教人心惊胆跳。真实版的菲国监狱，令你觉得现实更荒谬。《香港01》记者联络到在菲狱中的邓龙威，他称：“我俾钱佢哋（仓友）多谢照顾我，唔好搞我，你谂下咩心态，呢啲心理压力点顶。”做酒吧工作的他，2000年去菲律宾旅行，一去16年，卷入毒品案，判监40年。他现已44岁，坐监的生活费要自掏荷包，监狱也有很多送礼交际费用。

“菲律宾人逢年过节要献礼，差佬问你攞钱，同仓犯人问你攞钱，监狱入面好多黑社会，佢打正招牌问你攞钱。菲律宾最大的节日是圣诞节、新年。另外，帮会每年周年问你攞钱，菲律宾人好钟意打篮球，经常搞篮球比赛，咁要做球衣，又问你SPONSOR（赞助）攞钱，冇得冇架，你可以话冇钱俾咩呀？借都要借俾佢，冇得冇架。”他2014年在网台奇案节目《东头湾道99号》的一段录音。

“监狱内要买间房，你要揾个地方瞓觉，又系要俾钱，冇钱，瞓街啦。”现时他住的一个60至70平方呎的板间房，也是靠捐款5000元买来。2011年他跟张泰安被判到New Bilibid Prison。

监狱内可以买𩠌煮饭

食物方面，监狱的免费膳食份量少，他称不够当地人抢。不过，有钱也可以“食好啲”，“里面有街市，可以自己煮，鱼虾蟹石斑，有钱就得。”

“以前法庭开审，有囚车车我们去，狱警问我们攞油钱，冇钱入油㖞，如果唔系点车你去，仲要请佢哋食饭。”如果不听话，就要被指派工作，洗厕所、看门口、或者其他不好对待。

他意难平，也曾经寻死，“试过一晚瞓唔到，我行出去个仓，夜晚好多人睡了。有个大堂，我见到地下有条绳。”他将绳绑到高处上吊，眼前一黑，突然绳断了，“仲整到尾龙骨痛，唔系呀，死都唔俾我死，要我受苦，于是又返去瞓觉。”狱中有些人用毒品麻醉自己，逃离残酷的环境。

如果我多些同家人倾偈，搬出去住都见下面，回去跟他们食饭倾偈，他（父亲）不会谂唔知点解生咗个仔出嚟冇教好佢。