【酷热天气】收成少一半农田要弃耕　港农：唔敢落种子　

酷热天气持续兼多日没有雨量纪录，何止人都癫，蔬果农地都晒到㶶！本地有机农场农夫对《香港01》表示，近月天气持续暴晒干旱，收成减少近半， 现在有一半农地空置不敢落种，大家只好食老菜。若天气仍持续酷热又无雨，本地菜供应量将会大减。

“天气咁热，本来每日要淋三次水，为保持泥土湿润降温，要一日淋五至七次水。我啲农地都系用井水做灌溉水，但系呢排好少井水，抽井水入水池只抽到三四成满，连灌溉水都要悭住用。”元朗锦田的欧罗有机农场负责人黄如荣说。

黄如荣说，因为连日暴晒又干旱，收成已比以往同期少一半。“瓜豆有个种植计划要调慢少少，大块叶的叶菜例如苋菜、通菜都好吸水，所以唔落苗住。呢啲菜可以有多次菜收，变咗面对前期发芽问题少啲，可以摘多几次老枝顶住先，但系菜的质素会愈来愈差。”不过黄亦补充，他们亦不敢贸然提高蔬菜售价。

农夫唔敢撒种子

预计未来蔬菜供应量大减，皆因农夫们不敢撒种子。“种子或幼苗需要的水份更多，虽然话可以用啲遮光布遮住唔好咁晒，但我块地有成两个足球场咁大，边遮得咁多？”供水不足，难以应付20万平方呎农地，黄说虽然有两三成土地已开垦，但近日也要弃耕。“其实依家除咗唔够水，下午农地也好晒，莫讲啲菜顶唔住，农夫都晒到中暑，惟有早啲起身，中午时间休息，傍晚才出来再耕作。”

农夫日出而作，日入而息，已经成梦话。“做农夫都系睇天做人，好天晒落雨淋，都是天意。”