【官商换楼丑闻﹒有声】专访中原代理　认冯太合约无提代理违常规

《香港01》调查揭发，民政事务局常任秘书长冯程淑仪，在两年多前与赌王何鸿燊三太胞妹陈婉玉名下的公司互换物业，冯太向陈补差额650万元，均少于市场估价及税务局的估价。冯太丈夫冯永业约10年前身为高官时，处理航空事务上亦曾与陈婉玉交手，陈的直升机公司其后受惠。

冯太坚称换楼由中原地产代理处理，“自己并不知悉有关单位前业主的公司股东是谁”，并向《香港01》提供了该代理的联络方式，着记者向该代理查询。记者致电该名吴姓地产代理，对方只愿接受电话查询，但对于关键问题，包括何以交换物业合约中，完全没有提到有地产代理，以及为何没有临时合约，她均没有正面交代，但亦同意合约无提及代理是不符常规。

记者今天向中原地产公关部查询，是否确实由该公司代理处理今次换楼交易，但暂时未获回复。

以下为访问内容节录：

记：记者　代理：吴姓中原地产代理

记：请问当初交换物业的源起？

代理：哦……咁呢啲即系，讲紧一个物业放…放盘畀我哋，都可以照做。同埋即系基本上，即系都有做过，好多年前，最紧要系补返价，同埋即系佢卖同买个价，大家都OK，咁我哋咪促成佢啰。

记：物业当初是冯太找你先？过程是怎样？

代理：咁就梗系我介绍㗎啦，如果唔系我点赚佣金呀。

记：交换物业之下，你赚的佣金同平时一样吗？

代理：咁做买卖不嬲都要收佣金㗎啦，冇问题㗎。

记：交易入面是否须签临时买卖合约（临约）？过程怎样？

代理：个过程……梗系要签约啦，点解唔签约呀？唔签约都转唔到啦。

记：是要先签临时买卖合约（临约）再签正式约？步骤上同一般交易一样？

代理：咁买卖一定要签约嘅，唔可以唔签约啦，你你你其实系咪应该有check到㗎田土厅？check到有签约㗎。

记：其实是否需要都有临约呢？是否要先签临约再签正式合约？

代理：Er……你如果要问呢啲呀，我唔知属唔属于要透露㖞，私隐㖞，我又唔知要唔要透露㖞，即系唔好介意，好敏感㖞。就算边一个买，或者你帮我买都唔会讲㗎，即系呢个牵涉客人嘅私隐，咁样。就即系，如果你问我，系点样介绍，咁冇问题，即系大家当倾计……但系如果你话，即系呢呢啲成交好多时其实都有㗎啦，不过就唔系好多，即系耐唔耐可以好多年先做，最主要大家，即系我介绍嘅物业，咁大家都啱嘅，咁我中间人，我赚佣之嘛，系咪先，梗系做啦。系咪呀？

为何交换物业合约没有任何代理的资料

记：是否会在约上写清楚你的角色？是经你做中介、佣金那些？

代理：Er……咁因为我，我哋而家同客人睇楼要签睇楼纸㗎嘛，咁𠮶度已经要披露啦，你上地产代理监管局个网都知道，要要要披露㗎嘛，我……我收几多，咁对方都要知㗎嘛，唔可以唔讲㗎嘛。

记：合约里面有写佣金吗？

代理：𠮶个……𠮶个，睇楼纸要写㗎嘛，譬如你同我睇楼，而家你想揾楼啦，咁我同你睇楼，咁我都要……签张睇楼纸，睇楼纸一定要写明㗎嘛。

记：只写在睇楼纸就可以？

代理：如果唔写睇楼纸我又违反操守啦。（记：咁合约系咪都要写？）最紧要睇楼纸之嘛，冇睇楼纸就唔系一个协议嚟㗎嘛，即系你跟咗我睇，要跟我买啰。（记：睇楼纸能否查阅？）咁又唔得，因为睇楼纸系我哋公司嘅文件嚟㗎嘛，即系除非个客唔畀佣我哋，我哋用睇楼纸追之嘛。（记：田土厅内的是合约还是睇楼纸？）合约，梗系合约啦，唔系合约都做唔到成交啦。

记：所以合约未必睇到交易由你负责、佣金也未必睇到？是这个原因吗？　

代理：Er……佢落田土厅都大部分系叫买卖合约㗎嘛，咁样啰，个程序系咁样。（记：我们以为两方面认识）哦，梗系唔系啦。一个好普通嘅成交，亦都系我哋做𠮶啲野全部都系跟足晒程序嘅，（笑）你又唔使咁担心，都冇乜特别。

有律师质疑契约不可能没有代理的资料

记：有专业人士都说过契约不可能没有代理的资料？

代理：唔系，嗱首先我明你问乜嘢啦，即系好多成交呢，我唔知你问乜野专业人士啦，定系律师啦，咁总之有冇注上田土厅呢系depends on个律师有冇注上去既，如果你话你睇到嘅，佢注咗啲乜野呢？就系律师注上去嘅，就唔系我哋注上去㗎嘛，系咪先？

记：我们就是因为看不到有代理的资料，才来查询的。

代理：咁但系你话，你只系见到咁多，咁呢个系普通平常一个买卖，咁就算你话……有啲成交咗之后都唔会注个按揭契上去住嘅，我都见到有。我谂系，唔系常规嘅做法啰……maybe，或者，但系你话就咁系讲点解冇、点解冇？咁即系，我会觉得就系，要注上去嘅，咁注咗上去你睇到，系呢个咁样买卖嘅成交之嘛，我都唔明点解你哋系都要问（笑）一啲野。

记：我们就系观察到你有一个说法、律师又有另一说法。

代理：嗱唔系我讲法，而系一般有啲程序嘅做法，唔通我质疑个律师，喂……喂你点解注个啲唔注𠮶啲咁样？人哋读咁多书个法律意见仲劲过我啦吓话。

记：合约中没有代理资料，常见吗？

代理：首先律师点样注个啲野呢，就真系律师楼，佢哋……律师会清楚点样做……去注㗎嘛，我都话啰，注上田土应呢一part唔系我做㗎嘛，我净系去撮成一个交易㗎咋嘛，系咪先。

记：即系有你在当中的？

代理：你……你应该……反而我比少少建议你呀，你问一啲律师楼，一单买卖边d野会注上去、边d野唔注上去，同埋点解我要check嘅嘢我check唔到呢？反而我觉得你不如问你哋比较熟d嘅律师。（记：律师正是说不会没有代理资料）你问多几个律师啦，所以我咪话你问一啲做物业嘅律师啰，你问一啲做开物业既律师啦，有啲律师系冇做开物业嘅呢可能佢都未必答到你。

记：但我们都有问过经纪行？

代理：你问经纪行？求先都话问律师啰，你又问返经纪行，咁你问我都啱嘅，咁我撮成㗎嘛，咁你问第二啲，咁当中佢梗系唔知道我点样倾，我亦都冇必要同行家倾我倾紧d咩，吓话。我冇理由倾紧单野，我话畀行家听㗎嘛系咪先，你……你问行家嘅，咁行家又唔系……唔系律师，掉返转你问我我又唔系律师，问题你话点样注点样盛，我谂你系直程问做开楼嘅律师问啦，点解𠮶啲注上去、个啲唔注上去，我谂你clarify返呢个问题先？