年轻是原罪？中女同事专打小报告句句针对　职场如何低调展现实力

击退小人，必须先令自己成为小人吗？

公司资源有限，每年能够升职嘅人数不多，等下三年、等下又三年，几时先轮到你？有啲人为加快步伐，使出唔同招数行捷径，最普遍就系出手“加害”其他同事，包括卸膊、笃背脊之类，日日要提防小人，加上沉重嘅工作，你话打工仔点可能唔讨厌星期一吖。

撰文：诗宁

唔想畀人恰，当然系要令自己变强大，但咁样系咪等于要令自己都变成小人，同其他小人斗衰斗奸呢？女生，照照镜子，善良美丽嘅你何必迫自己成为丑恶的巫婆？一齐讨论下点样用智慧去摆脱职场小人。

“乜都推晒畀你做”嘅同事

有啲“前辈”好钟意用“教你嘢”嚟卸走属于自己嘅工作，新人入职，头一星期未系好清楚公司、部门运作，总会有“前辈”同事“指点”新人，指点见你唔反抗就好易变“老点”。所以要分清楚自己当时系理解紧工作，定系被委派紧工作？而分嘢畀你做𠮶个人实际上有无呢个权力？的确，新入职预咗要蚀底，但都要内心打定底，尽早睇清边个系卸膊小人。

点图即看如何应对＝＝＞

“专打听同事私事当人情”嘅同事

女生，真的真的要丰富自己心灵，无论你放工有无人约、放假有无街去，都请你提醒自己要注重个人修养，唔好闷到全神贯注去收集同事嘅错失、日常习惯，从而打小报告，表面上好似成功踩低人、令自己得到存在价值，但实际上只系畀人睇得出你无聊、缺乏自信、无安全感。

举个例，我曾经遇过一个单身的中年女同事，佢好钟意查问同事们的私事，储储埋埋一有机会就用嚟攻击人，例如有一次，大家发现Pantry地上有滩水，但无人承认系自己做，结果呢位中年女同事就喺我背后侦探上身，话我屋企有外佣，所以我一定系个无手尾嘅人，滩水一定系我倒泻……

点图即看如何应对＝＝＞

“讲多过做”嘅同事

常言道女人系用水造，你办公室有无一种同事系用口水造？佢平时已经把口唔停，为工作环境制造噪音。而当佢“忙”嘅时候就更嘈！一般同事忙碌就是密密做，尽快将工作赶起，而口水同事就会周围同人讲自己好忙呀，仲有乜乜乜未做，上司就已经加咗乜乜乜畀佢喇…结果三日可以完成嘅工作，佢讲足两星期，务求全公司都知佢做紧咩Project、全公司都知佢忙。