【有片】MC Jin铜锣湾Freestyle　街头歌手：时代广场首次听到Rap

继旺角即兴Freestyle后，MC Jin昨晚又在铜锣湾即兴Rap！话说寻晚Jin 一早预告会到铜锣湾Busking，直至晚上11时左右，现身铜锣湾时代广场行人通道，一到场已经引起唔少哄动，而每逢星期五晚都会在铜锣湾时代广场Busking的City Echo在表演，故Jin亦乖乖坐在第一行听歌。

听完歌后，他便站出来跟大家打招呼，全场马上哄动，更笑言自己可以任影相和握手，加20元甚至拥抱都可以，不过就呼吁观众首先要静心听City Echo唱歌，不过当Busker JL演出中途，他又再突入Rap：“其实我真系谂住抖一抖，但系坐系到其实真系忍唔到口，我系啱啱先食完晚餐，就无啦啦嚟咗呢度铜锣湾，呢个Time Square真系好开心，我地一齐唱下一齐have some fun，一齐继续拍手高举手，我地今晚不如绝对唔好走！”，之后更与观众大玩互动rap“我爱你，你爱我”，超正！

MC Jin同嘻哈侠两个一样Rap得个背影又似，大家话系唔系？

街头音乐表演者JL接受《香港01》查询时表示，由于Jin一早预告会到铜锣湾，因此他早有心理准备，一直在等待，而之前都有试过同其他歌手一齐Jam歌，所以没有特别紧张。“其实同未夹过的人Jam歌系特别好玩的，所有事情都要执生，我又唔会话真系有一个什么等级之分，但在音乐上他们确实各有强项，例如张敬轩唱歌好劲﹑有特色，Jin的街头rap在香港真系好少见！”他更形容：“寻晚真系so far史上见过公共空间最多人的一次！”他补充：“真系好多人，基本上企到密晒，而且更系我自己第一次在时代广场听到rap！虽然唔系Rap了不是好耐，最少有人rap，气氛系其中最有反应的一晚！”

问到对Jin的印象时，JL则表示：“我有睇内地节目，我觉得佢真系热爱自己做紧的事情，一个人唔热爱自己钟意嘅嘢，系唔会千方百计向呢个方面钻研，没有狂热唔会不断做呢啲嘢，另外我觉得佢系好坚持的人，见过佢tvb拍剧和hiphopman的片段，我觉得两者光芒系唔同。”

对于近期不断有主流歌手到街上Busking，JL就认为：“我觉得任何人可以用佢嘅能力或渠道去宣传自己，唔可以Define busking就系For一些唔出名的人”，“我的目标系咁，觉得真系唔需要分主流定独立”，呢啲叫咩？咪系音乐大同啰。