《命案》MIRROR激赞Lokman眼神　姜涛︰大家排舞唔专心佢眼神就嚟

MakerVille首部电影作品，由银河映像 (香港) 有限公司摄制的《命案》，于昨晚 (17/4)举行首映，身为主角的杨乐文Lokman，获MIRROR一众兄弟撑场，随后更留低同《香港01》分享观后感，大家都激赞Lokman的演技精彩，特别系眼神的凌厉和凶狠，姜涛更指呢种眼神曾经见过︰“当大家排舞唔专心嘅时候，佢就会用呢种眼神！”

首先由Alton（王智德）发言，提及Lokman在拍摄《命案》时，自己一直都有关心佢，直至昨晚在大银幕睇到。“哗！好厉害，回想起很多佢当时跟我分享的情景。”Frankie（陈瑞辉）更想起Lokman拍摄时，情绪的确有点凌乱。“我睇完套戏，终于明白发生咩事，睇完都想关心番佢，你冇乜嘢嘛？”Lokman随即搞笑回应︰“太迟喇！”

柳应廷（Jer）就大赞Lokman的演出好劲，完全演到那种不正常人类的角色。“演得好好，令观众欣赏时好易投入到佢当下的情绪。佢骨子里都有种变态喺度，我好欣赏，哈哈……”至于Lokman在戏中慑人的眼神，姜涛就指唔系第一次见︰“当大家排舞唔专心嘅时候，佢就用呢啲眼神。”非常搞笑。

已拍过数部电影，更以双提名入围金像奖新演员的吕爵安（Edan），亦大赞套戏好好睇，每一秒钟都投入其中。“好似冇一下可以抖下，要全神贯注去睇，而且戏中每位演员都演得超级好。虽然电影背后意义未必立即看得明，但你都可以跟住剧情去逐一了解，真系一部好厉害的电影。开场那幕已经好深刻，但不方便剧透，要大家入场睇。”邱士缙（Stanley）︰“有啲电影一定要喺电影院睇，呢套戏就一定要喺电影院睇！”

提到Lokman为角色剃头，Jer坦言有挂住Lokman长发造型，现在可在戏中重温。Edan︰“我都有特别留意Lokman剃光头一幕！”Alton︰“我觉得可以多少少，到终于见到佢光头喇，但一幕冇喇，仲谂之后仲有嘅……原来真系冇喇！”身为副队长的AK（江𤒹生）就呼吁粉丝大力支持︰“拎起你嘅现金或信用卡，上网或者去戏院买《命案》戏飞，20/4开始有得买，买到去落画为止，多谢大家。刚刚呢番话系Lokman叫我讲。”不过几位都应承队长，会各自再睇一次，AK︰“包场睇一次，请晒亲戚朋友、中小学同学睇。”

《命案》故事大纲

一心帮凤姐化解“死刧”的命理大师 (林家栋　饰)﹐因凤姐独自离开而无法阻止她被残杀的命运。正当大师悲痛莫名之际却机缘巧合遇上送错外卖的茶餐厅少东 (杨乐文　饰) ，并挑起了少东与生俱来的杀戮冲动！大师算出少东将会因杀人而犯牢狱之灾，少东害怕再陷囹圄，求大师帮忙改命。曾目睹少东杀猫的老差骨 (吴廷烨　饰) 坚信少东是天生的心理变态，甩不掉嗜血本性，大师却认为既是天生，那错的不是少东，是命运！大师使尽风水术数、中西玄学，但总是人算不如天算，铩羽而归…黔驴技穷之际，老差骨步步进逼、凶手虎视眈眈、还有年轻凤姐 (伍咏诗　饰) 的致命诱惑，令少东的杀念越加炽烈，执刀就要踏上杀戮之路！而大师也频临精神崩溃，命中注定的大刧将至！（上映日期︰4月20日）