命案｜林家栋破从影NG纪录　Lokman拍到泄气：流咗两滴眼泪咁

香港犯罪电影《命案》今日（17日）举行首映礼，电影由郑保瑞执导，金像影帝林家栋携同MIRROR队长Lokman杨乐文、吴廷烨及陈湛文主演。作为杨乐文首次于电影担任男主角，MIRROR组合11位队友均到齐撑场，难得12位镜仔到齐，吸引现场过百名粉丝守候围观，声势浩大。

Lokman杨乐文于首映礼上接受访问时表示，首次担正下不太敢肯定自己的演出成果：“演落嘅时候我其实唔知自己演成点㗎！𠮶时经验未系好多，我演完都要睇导演O唔Ok。”Lokman表示有时会拍到泄气：“我记得有一次拍到泄气系有句对白，两句说话解读我嘅身世，同埋解读我屈住嘅嘢。我觉得𠮶句好难讲，讲咗几次都冇攞到导演嘅要求。但系讲到𠮶时反而被个角色‘谷’返转头，谷住谷住要出去抖一抖、流咗两滴眼激泪咁！”

对于未来再次合作郑保瑞的可能性，Lokman笑指：“梗系够胆啦！恨不得再拍添啊！因为佢嘅仔细、用心、撩你个心，系对演员嚟讲好刺激！”在《命案》中展示颇狰狞的一面，他表示对队友如果看完戏会怕他也不错：“咁佢哋惊我都好呀！最少起码同佢哋讲嘢唔驶咁大声都会听嘛！”亦感谢一众兄弟到首映上支持自己：“好似好耐冇12个一齐出席公开活动，所以多谢大家一齐抽空支持。”

昨日的香港电影金像奖上，Lokman亦有踏上红地毡，却无缘与奥斯卡影后留影：“最后揾唔到杨紫琼！争少少！下次唔知等几时！（等你进军奥斯卡？）咁要等下喇！杨紫琼小姐要等下喇！”

至于《命案》另一位男主角林家栋，在首映上受访时表示拍摄颇具挑战性：“呢次辛苦㗎！首先系未有剧本啦，去到现场先有，好多术语一定要练。同埋情绪上喺100分钟里面有90分钟都系唔正常嘅！”他表示要演绎一个讲正常说话、但疯疯癫癫的角色实在不非常不容易。家栋亦透露有感到泄气的时刻：“因为大家都唔系好满意，拍到都有啲泄气，拍咗好多take都未如大家所想。”他表示甚至拍到声沙，休息一日又再继续拍摄。

林家栋更透露《命案》创下了一项从影以来的NG纪录：“系最多take㗎喇！因为好多时候都系一take起、两take止，但系今次ending佢有几个版本，而家只系其中一个版本。有一个仲夸张！系要我大笑五分钟、对住个天、但系要我喊！”他表示该版本没有放在《命案》中作为结局，非常可惜：“就系冇用到我先惨啰！真系激死我啊！点解唔用𠮶个Take呀？不过当然佢哋（导演监制编剧）有自己嘅谂法啦！”家栋亦表示希望票房好的情况下，未有采用的片段也可以公开：“我希望佢公开啰！我唔知佢到时会唔会有第二个Cut，希望佢可以畀返𠮶个版本我睇下啰！”