导演陈德森出新书爆影圈秘闻 最憎演员一个坏习惯：要导演演一次

电影导演陈德森今日（25/4）现身尖沙咀出席其新书《把悲伤留给电影》发布会。导演陈德森透露适逢明天是他的生日，所以特意安排今天举行新书发布，作为送给自己的礼物：“其实出书我谂咗好多年，但之前就唔系咁冇乜馅可以写，咁去到呢个岁数呢，都经历咗好多嘢，咁所以就觉得系时候可以去写。其实我拍戏就特别多事，唔好听嘅就有人出事，动作片就系假，但我拍嘅就特别多事，系多灾多难，咁所以用书去记载住。大家千祈唔好俾个书名去误导，其实我系有过呢啲悲伤嘅经历，但我转化做正能量就希望透过本书去发放正能量。”

被问到边位演员有坏习惯？导演陈德森笑言：“问咁刁钻嘅问题嘅，你系边间？（香港01！）哈哈，其实每个演员都有佢嘅性格上嘅嘢，而佢亦对自己嘅角色都有紧张嘅时候，可能会做多又或者做少。咁所以我就好憎，个别嘅演员要个导演演一次俾佢睇，除非𠮶个导演系演员出身。个导演如果要演一次俾个演员睇，咁我使乜要个演员啫，个导演自己演咪得啰。导演系要引导个演员进入个角色。我哋成日都会提醒啲演员演嘅时候系咪要咁大声呀？性格系咪咁呀？佢哋要明白导演系引导，并唔系要我演一次俾佢哋睇，咁所以呢一样嘢系唔好嘅习惯。”