金宵大厦2｜李施嬅断言拒演第3辑：我又唔可以话到咁绝

李施嬅早前上Do姐节目时谈及拍摄《金宵大厦2》的难处，狂呻开拍时剧本准备不足，甚至在拍摄中途先知有第3个角色要演，令她无所适从，压力爆煲，导致身体出现毛病。因此对Tvb安排上甚有微言，所以断言拒拍《金宵大厦3》。

今日（22/4）李施嬅现身电视城出席无线剧集《金宵大厦2》宣传活动时，就上述事件解画：“其实由我入行到而家一般来讲呢，都系从来都冇充足嘅剧本啦，哈哈！咁所以我觉得TVB剧系考天才嘅，咁所以呢一个尽对系正常嘅。如果平时一个角色嘅时候就会容易啲去拿捏，但如果有多个角色嘅时候，就真系唔够时间俾我去准备，但𠮶一刻我已经尽咗力去。”

施嬅亦指出指摄当时身体的而且确出现毛病：“𠮶阵时系越拍越瘦，同埋对眼都好干同埋有红筋。其实真系唔关人哋事，可能自己对自己要求高，而今次嘅角色我系揸尽脑汁我都唔知点样去演，所以都系自己嘅问题。（金宵3你表明话唔拍！）我又唔可以话到咁绝，但就应该唔会喇！因为我觉得都够。（男友有否叫你唔好做，安心做少奶奶？）佢唔会喇，因为佢系一个好积极好正能量嘅人嚟，同埋佢知我钟意做嘢，所以佢唔会叫我唔做嘢。（但佢见到你拍剧辛苦，见到都会心痛！）佢唔会嘅。（吓，佢唔心痛，咁残忍！）哈哈，咁我又唔知佢心唔心痛，因为佢冇讲，咁但系大家都系互相扶持嘅。”