《阖家辣》吴君如郑中基熟到乜都拍　梁咏琪︰Edan叫我妈咪好冧

由吴君如监制兼主演，郑中基（Ronald）、Gigi梁咏琪及Edan（吕爵安）、袁澧林等人主演的《阖家辣》，于今日（14/7）上画，作为监制的吴君如跟郑中基已合作过无数次，她坦言：“今次《阖家辣》嘅故事好贴近香港近两年的疫情，收到剧本后即时觉得爸爸一角非阿基莫属，首先我哋合作无间，佢而家演戏又炉火纯青，正气、感情戏、搞笑又得，好准确，真系冇他人之想。”

拍《金鸡SSS》最深刻

问到最深刻的一次合作时，两人不约而同地回答《金鸡》，Ronald：“最深刻系同佢冲凉，仲要用埋保鲜纸同洗洁精，同佢拍戏唔系冲凉就发生关系。”君如补充：“其实三集都有佢，《金鸡SSS》opening我哋扮野人，我哋仲要喺个树底下发生性行为，真系要咁熟又唔尴尬先得㗎！”

点击重温《金鸡SSS》经典片头：

Edan离远大叫妈咪冧爆Gigi

反观Gigi虽有在同一部电影出现过，但两人从未正式合作过，君如直言非常欣赏对方：“佢系偶像但又会转型，拍好多戏同贺岁片，主要系好放得开，加上今次大家都有家庭同小朋友，觉得大家都会好有感受。”

阖家辣‧专访｜吴君如一句经典对白红足30年　竟考起郑中基梁咏琪

谈及家庭，虽然Gigi跟Ronald都各自有小朋友，但却是第一次有咁大个仔，两人都大赞Edan乖巧有礼，Gigi：“君如21年中揾我个阵已知中基系老公，一路都未揾到个仔，佢有问我‘你接唔接受到戏入面有个廿几岁嘅仔？’我真系冇试过，反而会关心我个仔靓唔靓仔㗎？似唔似我㗎？好彩你揾咗个靓仔俾我。”后来在片场，Edan离远便大叫Gigi做妈咪，感觉冧爆。

君如大赞Edan冇偶像包袱又做到要求

君如同时补充寻找适合演仔仔一角都好难，当再问到满唔满意Edan表示时，她直言好满意，虽然Edan是MIRROR又好红，邀请对方试镜又愿意到场，她：“首先佢冇偶像包袱，其实去到现场反而系我好惊，我唔知啲年轻人嘅态度，我做监制都要凑好多人，我自己都好紧张，咁我都有要求嘅，又唔知佢肯唔肯听，有时讲得多佢演都会紧张。但系Edan系攰到随时跌低瞓觉，又擘大口瞓任我哋影，影完又周围post，成个过程系好愉快，Edan系完全传递到我哋想佢做嘅嘢，仲要达标完成。”

Ronald赞Edan：系个好努力嘅后生仔

早前Ronald夹埋Edan玩爆KB个肾，问到今次有冇认真整蛊返Edan转头，他笑言：“冇啦，我觉得Edan好好，佢系个好努力嘅后生仔，同埋佢好有礼貌、谦虚、斯文又真诚，佢氹得我哋好开心。”

望多跟新人合作　擦出火花兼提供演戏机会

事实上睇到吴君如在《妈妈的神奇小子》以及《阖家辣》中，采用了不少年轻演员，而郑中基的YouTube更会跟年轻一化的Channel合作，问到作为前辈是否有种使命感要为影圈注入更多新血时，君如表示：“使命感一定有，自己拍咗咁多年戏，紧系要同啲新人合作，佢哋有唔同思维，自己都有可能去到一个樽颈位，有时都要吸收新事物，自己都有一定知名度再同新人合作，令佢哋都可以获得多啲机会表现自己。”

Ronald冇放弃过《龙咁威3》

Ronald就表示自己一向喜欢跟新人合作，不单止演员，即使在音乐上都喜欢跟新人合作，他直言发觉现时自己做一件事太耐，做极都是同一个方法，但就感觉到而家年青人跟自己的谂法大有分别。他：“佢哋个精神好紧要，就系无论点都要做到件事，调转头我哋可能会觉得好麻烦，就用个简单方法搞掂佢，我哋会转呔，但佢哋唔会放弃直冲埋去，我就好钟意呢种性格。”

最后问到《龙咁威3》甚么时候有机会面世时，他回应：“我有谂过，当时谂完又搁置咗，不过我仲未放弃嘅，或者今年都唔定。（君如：期待，你系咪自己做埋导演？）好冇呀？希望有机会。”

点击睇更多靓相：

吴君如：
Stylist: Ricky Kwok
Wardrobe: Max Mara
Necklaces: Tiffany & Co.
化妆：Midco Chu
发型：Seiko Sin@Hair Culture

梁咏琪：
Hair: Nick Lam @Orient4
Makeup: CircleCheung@NDn.Co
Wardrobe: PORTS1961

郑中基：
Wardrobe: KOWLOON CITY BOY, VO-YAGE
Shoes: Zegna

场地提供：
香港瑰丽酒店 Rosewood Hong Kong