阖家辣‧专访｜吴君如一句经典对白红足30年　竟考起郑中基梁咏琪

由吴君如监制兼主演，郑中基、Gigi梁咏琪及Edan（吕爵安）、袁澧林等人主演的贺岁片《阖家辣》须等到戏院重开才有机会跟影迷们见面，不过较早前吴君如、郑中基以及Gigi率先接受《香港01》访问，拍惯喜剧、贺岁片等的三人大玩游戏，要估中对方的经典对白，然后重演一次，三位玩得入神又爆笑，就连Gigi都话：“好多回忆返晒嚟添！真系时光飞逝。”
摄影：梁碧玲

Gigi︰“Make Sure你个bra对准你个心口”

首先就由吴君如和郑中基估Gigi的电影，第一条问题就是“挺起你上身，挺起啲，make sure你个bra对准你个心口。”两人都好快答对《绝世好bra》，影迷必定会记得戏中古天乐和刘青云试戴胸围的一段戏，当时连同一边讲对白的Gigi都爆笑但cut机，问及当时为何会有这样的设置时，君如先讲到：“我记得当年兴NG啊，好似甩下甩下咁，特登玩㗎嘛。”Gigi再补充：“因为我真系忍唔到笑，对住佢两个喺到试紧bra点可能忍到笑，我又要继续俾对白。（揾乳头系爆肚位？）系呀，系最真实嘅反应嚟。”君如都大赞：“所以就变咗套戏嘅风格，咪几新鲜啰。”及后Gigi更邀请Ronald即场示范一次，令三人都大爆笑。

点击即睇第2条问题：

吴君如︰“又系你呀？陈生！”

及后再到Ronald同Gigi估君如的电影，由于君如作品众多，一开始似乎令两人有些混淆。问题：“你又去边啊？你又贵姓啊？又系你呀？陈生！”Ronald率先担答《金鸡》，不过就吓呆君如更笑言：“吓！我哋拍呢套个时你未出世啊。”最后Gigi补答《家有囍事》成功，Ronald续指自己当时未出世，非常搞笑！

郑中基︰“唔准谂，即刻答！”

最后到Ronald的问题时，未开始他已经笑言：“应该连我自己都估唔到。”不过第一条“就系咁桥，唔准谂，即刻答！”相当简单，Gigi抢先答《龙咁威》，Ronald就加以解释：“我哋啱啱入学堂受训，邓梓峰就叫我哋用咩思路去谂，我哋就反问如果个贼讲《真情》（实为《皆大欢喜》）剧情又点算，佢就喺到Er…我哋就话唔准谂，即刻答！”

郑中基︰“人若然穷到当嘢，随时随地会濒嘢”

到了第二条问题时，Gigi和君如已经知道是首歌更一起唱“人若然穷到当嘢，随时随地会濒嘢”，不过Ronald似乎冇印象自己有在戏中唱过这首歌，更被君如笑他老人痴呆。最终同样由Gigi答中问题《金鸡SSS》，当时Ronald在戏中扮演鸭王，自嘲地唱歌，后来Ronald终于记起该幕，他：“个时我好孤独一个食烟再唱歌！呢首歌好系Wyman填，个时商台有个节目专将歌手嘅歌改歌词，我就去咗商台唱同录咗次，不过就唔记得有喺戏到唱过，净系记得喺商台录过。”最后君如都表示：“而家谂返起以前拍戏，真系百般滋味在心头。”事实上一套好的电话、搞笑的电影，影迷们都会一睇再睇，演出者跟观众都会继续延续一幕幕的经典。

吴君如
Stylist: Ricky Kwok
化妆：Midco Chu
发型：Seiko Sin@Hair Culture
Wardrobe: Max Mara
Necklaces: Tiffany & Co.

梁咏琪
Hair: Nick Lam @Orient4
Makeup: CircleCheung@NDn.Co
Wardrobe: PORTS1961

郑中基
Wardrobe: KOWLOON CITY BOY, VO-YAGE
Shoes: Zegna

场地提供
香港瑰丽酒店 Rosewood Hong Kong