《九龙城寨．围城》刘俊谦新造型公仔面头示人　“好少咁潇洒”

电影《九龙城寨．围城》今早（30/11）进行开镜活动，出席演员包括有古天乐、洪金宝、任贤齐、林峰、刘俊谦、黄德斌、胡子彤、伍允龙、张文杰等人，当中刘俊谦以破格造型现身，一头“公仔面”发型令人十分惊喜！

刘俊谦接受访问时先讲到自己的角色。刘俊谦：“电影发生喺九龙城寨，我个角色叫信一，就系大佬龙卷风嘅接班人，所以相对上头发都比较潇洒。（有冇唔习惯？）都有㗎，因为好少咁潇洒，平时个人都比较和蔼可亲。”

由于今次电影打戏成份很多，问到刘俊谦有冇打戏时，他回应：“要打呀，其实早前拍紧Viu嘅剧，变咗拍完剧一放假就要去训练，都几多打斗嘅场面。（训练咗几耐？）其实总共都系得几次，始终拍剧冇时间，所以好多时都要嚟到现场去协调。（俾人打多定打人多？）都有嘅。”

再问到今次跟哪位演员多对手戏时，刘俊谦表示：“同古仔对手戏多啦，仲有子彤、张文杰同阿峰都比较多，文戏打戏都有。（大家都好打得啵）系呀，全部都食过下夜粥，所以我真系要急起直追，呢套相对嚟讲佢嘅拳脚、招式会更加多，所以比较复杂。（有冇受伤？）好感恩暂时系冇，希望嚟紧都冇事，继续保养得好啲。”