“八爷”袁和平一手提携甄子丹：佢系继李小龙后又一人才

香港著名电影动作指导及导演“八爷”袁和平今日（28/10）在香港浸会大学举行座谈会，他提及自小跟爸爸袁小田习武，入行由武师做起，电影事业最大突破是拍了首套喜剧式功夫电影。

过去八爷提携过不少演员，透过家姐及妹妹认识了甄子丹的妈妈，甄子丹当年才19岁，八爷忆述：“后生个样OK，打套拳耍把刀 OK吖，佢妈妈更加系太极高手，喺波士顿开武术馆，觉得佢系李小龙后又一个人才。”

言谈间八爷不断大赞甄子丹：“佢唔知电影为何物，但教佢唔会抗拒，一定要接受，而且佢自己本身有啲料，揾呢个人出嚟我系对佢有信心，动作设计方面要佢打到，可能佢自己都会加啲嘢，佢系个好合作同努力嘅演员，只系当时演戏差啲，要畀时间去栽培佢，同埋畀啲戏佢去做。”

座谈会上八爷亦提及另一位巨星李连杰，同样毫不吝啬大赞：“佢系大师级，一举手一投足，唔需要加啲咩，一嚟就打，交到货之余加上佢嘅动作美感系冇人学到。佢好似拎过5届北京武术冠军，是一本功夫字典 ”。八爷更笑言： “我就唔识喇，唔会识晒中国功夫咁多门派，我咁叻都唔得，要揾人出嚟请教先拍到，一定要有根有据唔可以乱咁作，否则会俾人取笑，而且冇一个武指够胆讲识晒所有门派功夫。”

最后问到甄子丹跟李连杰的分别，八爷直言：“两个风格完全唔同，李连杰对武术美感更为擅长，不过拍时装动作戏似乎较难，反而甄子丹拍摄时装则好很多，画面睇出嚟系有味道、美感以及现代打法。”