22世纪杀人网络｜剧组揾3次先肯出山 袁和平：根本无心装载
撰文： 沈洛嘉
出版：更新：
动作名导演“八爷”袁和平今日（28/10）在香港浸会大学举行座谈会，跟一众电影系学生分享多年来的电影工作生涯。由荷里活男神奇洛李维斯主演的《22世纪杀人网络 复活次元》即将于年底上映，八爷曾担任《22世纪杀人网络》的武术指导，会上他大方分享当年趣事。
八爷率先讲到：“当时唔听对方电话，根本系无心装载，而且自己都拍紧片，我都唔识英文，拍咩西片。第一次揾推咗佢再揾我，我又再推，直到第三次，对方揾邵氏黄家禧总经理揾我，佢话‘人哋又出机票俾你，又俾酒店你住，点解唔试下？’最终虽然冇故仔睇，因为要去到荷里活先知，觉得功夫加荷里活特技令我眼前一亮，呢样好新鲜先肯应承。”
而当去到拍摄时，袁和平表示：“男女主角都唔（打）得，要训练足4个，逢星期一至五，每日六至八小时，由基本功开始，点样拉开条筋学起，因为肌肉太硬会起唔到脚。不过奇洛李维斯练武好努力，佢当时廿几岁，真系打一拳都唔识，每场动作都设计好晒，教到佢识为止先拍。”
八爷更有补充讲到：“奇洛李维斯知自己唔得，要求星期六日都练，我心谂‘唔好挂，我都要休息 ’不过演员要求想好都要帮佢练，星期六日就唔会咁长时间，只系练一个上昼，佢OK㗎，系好肯学、苦学，痛到吖吖声。”