#PTGF出租女友︱程美段曾遇疑似“淫媒”招手：佢讲啲嘢好奇怪
新片《#PTGF出租女友》下周三（22/9）正式上映，有份演出的程美段（Kiwi）便在电影中与赵善恒（恒仔）有不少对手戏，提到她的造型性感，更要挑逗恒仔，她直认初时有点紧张：“最后大家都要摸索，拿捏去到边个位最舒服就放胆去做，唔使Take咁多，宁愿放胆啲一次过去做。”Kiwi又表示拍接吻戏时前有刷牙保持口腔清洁：“肯定自己个口唔臭先，食完Lunch都惊有味，我嗌咗个芥兰蒜蓉，都要刷个牙先。”
点击下图观看Kiwi的《#PTGF出租女友》精彩剧照：
至于首次拍戏最深刻的事情，Kiwi便指有场“自High戏”相当难拍：“同恒仔有缠绵戏，以为有对手易入戏，结果后尾系自己一个畀反应动作，自己幻想去投入，镜头净系影我自己，我觉得仲难投入，同恒仔有肢体接触会容易进入戏中状态，到我自己时反而饮威士忌先入到戏，如果唔系畀唔到反应，我要嗌嘅，应该点嗌呢？”当中最大难度是“冇人掂要自己掂自己扮有人掂”。
“PTGF”为钱，娱乐圈都有神秘饭局，有指女星出席会有利是收，程美段反问：“会畀番钱㗎咩？成日听人讲饭局，但从来唔明咩定义，食饭咪食饭，一班人朋友食饭，加个局字，饭局有咩特别？唔知代表咩。”
Kiwi称没有出席过这些饭局，反而遇过疑似“淫媒”的人士：“淫媒？讲真好似试过，我觉得有啲怪怪哋，又唔知边个，唔知有我电话，打嚟讲啲嘢好奇怪，好惊呀，印象中系佢唔知点解佢知我喺边，叫我今晚去边度识边一个人，可能食下饭唱下K，问佢系边个唔讲，我怀疑系一啲我见过嘅人，但依家冇啦。”她觉得可能因为有时形象性感而引来这些人“注意”，问她是否守得住底线？她即答：“守得住，如果唔系我可能机会更加多。”
Kiwi接受《香港01》访问时亦有补充，指自己“踩过界”做保险后仍收到古怪短讯：“试过有啲自称Agent无啦啦WhatsApp我，话系Party agent。（然后佢话你知时间地点人物价钱？）佢冇讲，我亦冇覆佢。”