深宵闪避球｜周家怡开工偷睇何诗蓓比赛︰边个话香港年青人唔得
新戏《深宵闪避球》由郑伊健、周家怡、钱嘉乐、李靖筠（Gladys）、“Dee姐”陈海宁（Isabella）、云浩影（Cloud）、黄淑蔓、钟雪莹等人演出，讲述一班边青少女在教练及社工的帮助下，靠着打闪避球将人生带回正轨上。
女主角周家怡日前42岁生日，剧组今日（28/7）进行开镜仪式，更有为家怡补祝生日，而郑伊健跟钱嘉乐则不时捉弄家怡大叫“英皇一姐”，老板杨受成更在一旁附和：“一早已经系啦！”场面非常搞笑。
及后周家怡接受《香港01》访问，她先讲到自己今次饰演一名社工，最初希望帮助一班边缘青年人，组成一队闪避球队，但最后反而是她们帮返自己。“其实年青人真系冇得顶！”
通常团体球类运动一班人都会玩得特别兴奋及团结，问到家怡会唔会想打埋一份，她回应：“会啊！我哋真系有揾港队嚟帮手练习同拍摄，我同佢哋讲想试下，叫佢哋掟个波嚟试下个感觉，虽然佢哋好惊我整亲腰骨，我都话唔紧要啊你掟啦，就算佢哋收咗力都感到个力度好狠，好希望第时奥运会有呢个比赛。”
家怡都有讲到自觉今次拍闪避球题材较偏，自言孤陋寡闻、唔系拍戏都唔知，之后才上网查甚么是闪避球，有睇到日本队真系打得好叻，真好紧张、刺激、系一项极讲求团队精神。
由於戏中一班少女都是边青，问到有边位最难教时，家怡都要谂一谂：“其实个个都好乖、好可爱，不过戏中我就最锡Dee姐（陈海宁），我哋成日都玩伊健，因为真系好型同靓仔，佢一出现我哋系好真心尖叫又唱佢啲歌，跟住佢就好尴尬，但我哋系真情流露㗎！”
而近日全城关注的奥运，家怡听闻“奥运”两字已相当兴奋，自言逢香港队出场都会支持。“支持香港运动员！今朝何诗蓓比赛时，我哋都有一齐睇，拍戏时偷偷睇，喺片场入面又唔知点解突然收唔到，望住个mon（荧幕）个讯号喺到转，相当紧张！我睇剑击个日都紧张到爆炸，嗌晒出嚟，同埋最惨又唔识睇啊嘛！明明我觉得系佢攞到分又唔计，我睇呢啲真系觉得佢哋好叻，你完全唔会想像到一个运动员用咗几多功夫同努力，企上世界舞台去参加比赛，好感动睇到眼湿湿，所以边个话香港年青人唔得，真系个个都好叻！真系好感动，唔好再讲年青人唔得，香港年青人冇得顶。”
点击睇更多：