《神经大侠》杨柳青林耀声互寸当倾偈　中俄混血儿MJ空姐转做演员

港产片《神经大侠》由张建声监制兼主演，陈观泰、杨柳青、林耀声、《全民造星3》Buber（麦咏楠）、MJ（Mary Jane，邝家瑜）等人主演。当中林耀声和杨柳青其实已经多次合作，《入铁笼》、《糖街制片厂》，两人Friend 底程度已在镜头前互寸搞笑。

探班当日，二人在镜头前都没有“收口”。林耀声：“都系一如以往，我成日喺片场俾佢恰啰！”杨柳青即时后驳：“吓？会唔会系掉返转啊？成日俾佢恰我。”林耀声再反击：“佢成日推我个头。（我冇啊，系佢成日拍我个头！）”一埋位便舌剑嘴枪，可见两人平时几咁friend。

讲返《神经大侠》，两人都大赞剧组超好，又有休息室、地方舒服、更有安排“Ken哥茶寮”，有好嘢食。杨柳青：“佢都成日食嘢，肥晒喇。”林耀声默默回应：“我都真系食到有啲水肿，所以我系咁灌水。”

林耀声今次在戏中饰演副导演：“系一个3分钟热度嘅副导演，喺现场亦都系好hea，都会同Buber有搞笑嘅交流。（杨柳青：你做返自己？）都唔系，我个人好认真呀，我行型格路线！”而杨柳青讲到自己今次要一人分饰三角。“我系个啤酒妹，然后戏中要做泰哥一个partner，亦都系古装女主角。（有冇难度？）始终之前拍戏都系拍武打嘅多，今次主要演文戏，对我嚟讲都系个挑战，好想做好文戏。第二个挑战系因为要搞笑，我成日觉得自己搞笑，但出到嚟好难笑，你觉得我搞唔搞笑？”林耀声回应：“你本身就已经系个笑料啦。”

《神经大侠》75岁陈观泰动作戏冇难度　“最难系要我扮老人痴呆”

新人MJ是俄罗斯香港混血儿，她原本是位空姐，19年入行，首部电影为《大盗演》饰演第二女主角，今次参演《神经大侠》为第二部电影。“今次有4句对白好开心，相信自己都可以发挥得好。我之前做空姐，都有帮国泰拍片，有做模特儿，初时以为自己冇机会再做戏，好开心今次有呢个机会。”MJ特别感谢张建声鼓励自己去试镜，庆幸导演睇中自己鬼鬼地的外表。她续指：“其实对于目前自己都有啲迷茫，因为而家航空业衰退紧，在电影上又较为被动，所以有种两头唔到岸嘅感觉，不过都想揾多机会去继续演戏。”