网传香港导演编剧辛酸史　自言太难挨︰太穷唯有揸Uber

近日网上有post讲到香港导演、编剧辛酸史，不少人纷纷向Facebook专页“406编剧俱乐部”投稿，专页更指位位的经历都笑中有泪。

“406编剧俱乐部”上一个post大数电影业行内秘密，大爆4个真相：“呢行处处讲关系”、“唔好话新导演，有经验嘅导演都开唔到戏”、“故事好多时唔到导演拣”、“其实做导演…好多都好X穷”，而且有好多想入行的同学问到导演：“我有个故仔，点样可以揾电影公司开咗佢呀？我真系好想做导演呀！”事主表示听到非常头痛而唔识回应，此post一出即时爆红，连同更多导演投稿纷纷表示有同感！

首先有人回应讲到“个个睇新闻以为我一套戏收X百万导演费，根本吹大咗！搞到无人敢揾我开戏！但唔通我行出嚟话其实我收好平咩？！同埋你哋知唔知我用咗几多年、投咗几多故仔、打咗几多餐边炉，先开到一个戏呀？”、“有次开戏，公司走数唔出粮，个个揾导演找数，但其实我都系被走数果个”、“我拍戏时演员唔肯落车，叫佢Take多个就黑面问点解！你啲戏屎啰大佬，唔通我讲真话咩！到个戏出咗街有人赞，佢就一句声都无出过。”、“间间电影公司都系伸手党，问我有无故仔睇岩（啱）就开。喂你哋知唔知导演揾编剧度故仔写大纲要俾钱架？”而当中颇令人心噏的是“我做过导演，之后无人揾我做＿＿（本来出身的其他电影岗位），因为太穷唯有揸Uber。”